ଘର ଭିତରୁ ଯୁବକଙ୍କ ମୃତଦେହ ଉଦ୍ଧାର, ମୃତ୍ୟୁକୁ ନେଇ ବଢୁଛି ସନ୍ଦେହ

ଗଞ୍ଜାମ ଜିଲ୍ଲା ମନ୍ଦାର ନଳସାହିର ୨୨ ବର୍ଷୀୟ ନିଳାଞ୍ଚଳ ପଣ୍ଡା ନୟାଗଡ଼ ସହର ଉପକଣ୍ଠ ତୁଳସୀପୁରରେ ଏକ ଭଡା ଘରେ ରହି ବ୍ୟବସାୟ କରୁଥିଲେ । ଭଡା ଘରୁ ତାଙ୍କ ମୃତଦେହ ଉଦ୍ଧାର ହୋଇଛି । ଅଧିକ ପଢନ୍ତୁ

ନୟାଗଡ଼: ଘର ଭିତରେ ପଡିରହିଥିବା ଯୁବକଙ୍କ ମୃତଦେହକୁ ଉଦ୍ଧାର କଲା ପୋଲିସ । ମୃତ୍ୟୁର କାରଣ ଅସ୍ପଷ୍ଟ । କାରଣ ଜାଣିବାକୁ ତଦନ୍ତ କରୁଛି ପୋଲିସ । ଗଞ୍ଜାମ ଜିଲ୍ଲା ମନ୍ଦାର ନଳସାହିର ୨୨ ବର୍ଷୀୟ ନିଳାଞ୍ଚଳ ପଣ୍ଡା ନୟାଗଡ଼ ସହର ଉପକଣ୍ଠ ତୁଳସୀପୁରରେ ଏକ ଭଡା ଘରେ ରହି ବ୍ୟବସାୟ କରୁଥିଲେ । ସେ ରହୁଥିବା ଘରୁ ରବିବାର ସକାଳୁ ବାହାରକୁ ରକ୍ତର ଧାର ବୋହିଥିଲା । ଘର ମାଲିକ ଦେଖି ପୋଲିସକୁ ଖବର ଦେବା ପରେ, ତୁରନ୍ତ ନୟାଗଡ ଟାଉନ ଥାନା ପୋଲିସ ଘଟଣା ସ୍ଥଳରେ ପହଞ୍ଚିଥିଲା । ମୃତଦେହ ଉଦ୍ଧାର କରି ତଦନ୍ତ ଚଳାଇଛି ପୋଲିସ ।

ଏହି ଘରେ ଏକ ସିଲିଣ୍ଡର ରହିଥିବା ବେଳେ ଘର ଭିତରୁ କବାଟ ବନ୍ଦ ଥିଲା । ତାଙ୍କ ମୃତ୍ୟୁକୁ ନେଇ ସନ୍ଦେହ ବଢିବାରେ ଲାଗିଛି । ତାଙ୍କ ମୃତ୍ୟୁ, ଆତ୍ମହତ୍ୟା ନା ହତ୍ୟା ସେନେଇ ସ୍ପଷ୍ଟ ହୋଇନି । ପରେ ପରିବାର ଲୋକଙ୍କ ଉପସ୍ଥିତିରେ ଖୋର୍ଦ୍ଧା ସାଇଣ୍ଟିଫିକ ଟିମ ପହଁଞ୍ଚି ତଦନ୍ତ କରିଛି l ମୃତ୍ୟୁ ର କାରଣ ଏପର୍ଯ୍ୟନ୍ତ ଜଣାପଡ଼ିନାହିଁ ବୋଲି ଏସଡିପିଓ ଶୁଭ୍ରାଂଶୁ ସିଂହ ସୂଚନା ଦେଇଛନ୍ତି । ତେବେ ନୀଳାଞ୍ଚଳଙ୍କ ମୃତ୍ୟୁକୁ ନେଇ ଚର୍ଚ୍ଚା ଜୋର ଧରିଛି ।

ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ