ନୟାଗଡ଼: ପ୍ରଚଣ୍ଡ ରୌଦ୍ର ତାପରେ ଅସ୍ତବ୍ୟସ୍ତ ଜନଜୀବନ । ଖରା ଦିନରେ ନଦୀ ନାଳ ଶୁଖିବା ଯୋଗୁଁ ପାଣି ମୁନ୍ଦେ ପାଇଁ ହେବାକୁ ପଡୁଛି ଡହଳ ବିକଳ । ନୟାଗଡ଼ ଜିଲ୍ଲାର ବହୁ ସ୍ଥାନରେ ଉତ୍କଟ ହେଲାଣି ପାନୀୟ ଜଳ ସମସ୍ୟା । ପାଣି ବୁନ୍ଦାଏ ପାଇଁ ନଦୀ ଏବଂ ଚୁଆ ଉପରେ ନିର୍ଭର କରୁଛନ୍ତି ଲୋକେ । ହେଲେ ପ୍ରଶାସନ କୁମ୍ଭକର୍ଣ୍ଣ ନିଦ୍ରାରେ ଶୋଇଛି ।
ପାନୀୟ ଜଳ ସମସ୍ୟା ଉତ୍କଟ
ନୟାଗଡ଼ ଜିଲ୍ଲା ନୂଆଗାଁ ବ୍ଳକ ନିକଟବର୍ତ୍ତୀ କାପ୍ତାପଲ୍ଲୀ ପଞ୍ଚାୟତର ବୁରୁଦେଇ ଗ୍ରାମ ପାନୀୟ ଜଳାଭାବ ଦେଖାଦେଇଛି । ଗ୍ରାମରେ ପ୍ରାୟ ୫୦ ପରିବାର ବସବାସ କରୁଥିବାବେଳେ ଗ୍ରାମବାସୀଙ୍କ ପାଇଁ ରହିଛି ମାତ୍ର ଗୋଟିଏ ନଳକୂପ । ଏହି ନଳକୂପରୁ ଦୁଇ ତିନି ବାଲଟି ପାଣି ବାହାରିବା ପରେ ଲାଲ ରଙ୍ଗର ପାଣି ବାହାରୁଛି । ଯାହାକୁ ପାନୀୟ ଜଳ ଭାବେ ଗ୍ରହଣ କରିବା କଷ୍ଟକର ।