ନୟାଗଡ଼: ଜିଲ୍ଲା ଶରଣକୂଳ ଥାନା ଅନ୍ତର୍ଗତ ଗୋତିସାହି ନିକଟରେ ଚାଉଳ ଗାଡି ହେଲ୍ପରଙ୍କ ମୃତ୍ୟୁ ଘଟଣା । ଶରଣକୂଳ ଥାନା ପୋଲିସ ଏ ନେଇ ଏକ ଅପମୃତ୍ୟୁ ମାମଲା ରୁଜୁ କରିଥିବାବେଳେ ପରିବାର ଲୋକେ ହତ୍ୟା କରାଯାଇଥିବା ଅଭିଯୋଗ ଆଣିଛନ୍ତି । ମିଲର ମାଲିକ ଏହି ମାମଲାକୁ ରଫାଦଫା କରିଦେବାକୁ ଚାପ ପକାଇବା ପରେ ମିଲ ସାମନାରେ କ୍ଷତିପୂରଣ ଦାବିରେ ଧାରଣା ଦେଇଛନ୍ତି ପରିବାର ବର୍ଗଙ୍କ ସମେତ ଗାଁ ଲୋକେ ।
ଚାଉଳ ଗାଡି ହେଲ୍ପରଙ୍କ ମୃତ୍ୟୁ ଘଟଣା, କ୍ଷତିପୂରଣ ଦାବିରେ ମିଲ ଆଗରେ ଧାରଣା
ମୃତକ ଜଣକ ହେଲେ ଖୋର୍ଦ୍ଧା ଜିଲ୍ଲା ବୋଲଗଡ ଥାନା ବେଲପଦର ଗାଁର ସ୍ବର୍ଗତ ଭାସ୍କର ପ୍ରଧାନଙ୍କ ପୁଅ ଆଲୋକ ପ୍ରଧାନ (18) । ଭାସ୍କର ଗୋତିସାହି ନିକଟରେ ଥିବା ଚାଉଳ ଗୋଦାମକୁ ଚାଉଳ ନେଇ ଆସିଥିଲେ । ତେବେ ସେ ଶୁକ୍ରବାର ଗାଧୋଉଥିବା ବେଳେ ପୋଖରୀରେ ବୁଡି ଯାଇଥିଲେ l ତାଙ୍କୁ ପାଣିରୁ ଉଦ୍ଧାର କରି ନୟାଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା । ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । କିନ୍ତୁ ପରିବାର ଏହା ଏକ ଯୋଜନାବଦ୍ଧ ହତ୍ୟାକାଣ୍ଡ ବୋଲି ଅଭିଯୋଗ ଆଣିଛି ।