ନୟାଗଡ: ଗଣମାଧ୍ୟମ ପ୍ରତିନିଧିଙ୍କ ଉପରେ ଆକ୍ରମଣକୁ ବିରୋଧ କରି ତୀବ୍ର ପ୍ରତିକ୍ରିୟା ପ୍ରକାଶ ପାଇଛି । ଏହି ଘଟଣାକୁ ନୟାଗଡ଼ର ବିଭିନ୍ନ ସଙ୍ଗଠନ ପକ୍ଷରୁ ବିରୋଧ କରିବା ସହ ବିଜେପି କର୍ମୀଙ୍କୁ ଗିରଫ ଦାବିରେ ନୟାଗଡ଼ ବସ ଷ୍ଟାଣ୍ତ ଠାରେ ରାସ୍ତାରୋକ କରିଯାଇଥିଲା ।
ମୁଖ୍ୟ ଅଭିଯୁକ୍ତଙ୍କ ଗିରଫ ଦାବିରେ ପଦଯାତ୍ରା
ଯଦୁପୁରରେ ବୈଦ୍ୟୁତିକ ଗଣମାଧ୍ୟମ ପ୍ରତିନିଧିଙ୍କ ଉପରେ ଆକ୍ରମଣ ଘଟଣାରେ 2 ଜଣ ଗିରଫ ହୋଇଛନ୍ତି । କିନ୍ତୁ ଅନ୍ୟ ମୁଖ୍ୟ ଅଭିଯୁକ୍ତଙ୍କୁ ଗିରଫ ପାଇଁ ଦାବି ଜୋର ଧରିଛି l
ପରୀ ହତ୍ୟାକାଣ୍ଡ ଘଟଣାର ଖବର ସଂଗ୍ରହ କରୁଥିବାବେଳେ ଆକ୍ରମଣ କରାଯାଇଥିଲା l ବିଜେପି ପକ୍ଷରୁ କରାଯାଉଥିବା ପଦଯାତ୍ରା ଯଦୁପୁରରେ ପହଞ୍ଚିଥିଲା । ତେବେ ହଠାତ୍ ସେମାନଙ୍କ ମଧ୍ୟରୁ କିଛି କର୍ମୀ ଏକ ପାଖିଆ ଖବର ସଂଗ୍ରହ କରୁଥିବା ଅଭିଯୋଗ କରି ଏକ ବୈଦ୍ୟୁତିକ ଗଣମାଧ୍ୟମ ପ୍ରତିନିଧିଙ୍କ ଉପରେ ଆକ୍ରମଣ କରିବା ସହ କ୍ୟାମେରା ଛଡେଇ ନେଇ ସାମ୍ବାଦିକ ଓ କ୍ୟାମେରାମ୍ୟାନଙ୍କୁ ମାଡ ମାରିଥିଲେ ।