ନୟାଗଡ଼: ବଣ ଜଙ୍ଗଲ ଘେରା ନୟାଗଡ଼ ଜିଲ୍ଲା l ଜିଲ୍ଲାର ଏକାଧିକ ଗାଁ ପାହାଡ଼ ଉପରେ ଅବସ୍ଥିତ l କିନ୍ତୁ ପାହାଡି ଲୋକଙ୍କ ସମସ୍ୟା କହିଲେ ନ ସରେ l ବାହ୍ୟ ଚାକଚକ୍ୟ ଦୁନିଆରୁ ସେମାନେ ବହୁ ଦୂରରେ l ଆଉ ଏହି ପାହାଡି ଲୋକଙ୍କ ପାଖେ ଅପହଞ୍ଚ ସରକାରୀ ଯୋଜନା l ଏମିତି ଏକ ଗାଁ ହେଉଛି ନୟାଗଡ଼ ଜିଲ୍ଲା ଓଡଗାଁର ତୁଲୁବି ଗାଁ l
ସମସ୍ୟା ଘେରା ପାହାଡି ଗାଁ: ଅପହଞ୍ଚ ସରକାରୀ ସୁବିଧା
ପାହାଡ଼ ଶୀର୍ଷରେ ଥିବା ଏହି ଗାଁ ଆଜି ବି ଅପହଞ୍ଚ l ଗାଁକୁ ଯିବାକୁ ହେଲେ ପାହାଡ଼ ଚଢ଼ି ଯିବାକୁ ହୋଇଥାଏ l ପାନୀୟ ଜଳ ସମସ୍ୟା ଠାରୁ ଆରମ୍ଭ କରି ରାସ୍ତା, ଶିକ୍ଷା ଆଦି ସମସ୍ୟା ଯେମିତି ଗାଁର ପିଛା ଛାଡ଼ୁନି l ଗାଁ ଲୋକେ ସାଇକେଲ ବ୍ୟବହାର କରୁଥିଲେ ମଧ୍ୟ ପାହାଡ଼ ଉପରକୁ ସାଇକେଲକୁ ଟେକି ଟେକି ନେଇଥାନ୍ତି l ଗାଁର ଲୋକ ସଂଖ୍ୟା ପ୍ରାୟ 60 ହେବ l