ନୟାଗଡ଼ : ନୟାଗଡ଼ ଜିଲ୍ଲାର ଅଗ୍ରଣୀ ନାଟ୍ୟସଂସ୍ଥା ‘ନାଟ୍ୟଧାରା’ ଆନୁକୂଲ୍ୟରେ ପୂର୍ବ ବର୍ଷ ପରି ଚଳିତ ବର୍ଷ ମାର୍ଚ୍ଚ ମାସ ୧ ରୁ ୭ ତାରିଖ ପର୍ଯ୍ୟନ୍ତ ଦୀର୍ଘ ୭ ଦିନ ବ୍ୟାପୀ ରାଜ୍ୟ ସ୍ତରୀୟ ନାଟକୋତ୍ସବ 2021 ଅନୁଷ୍ଠିତ ହେବ । ସ୍ଥାନୀୟ ପଠାଣି ସାମନ୍ତ ପ୍ରେକ୍ଷାଳୟ ପରିସରରେ ଏହା ଅନୁଷ୍ଠିତ ହେବ l ଗତବର୍ଷ ନାଟକୋତ୍ସବର ଅଦ୍ଭୁତପୂର୍ବ ସଫଳତା ପରେ ଚଳିତ ବର୍ଷ ନାଟ୍ୟମେଳା ଆୟୋଜନ ନିମନ୍ତେ ରୋଟାରୀ ଭବନ ଠାରେ ଏକ ସାମ୍ବାଦିକ ସମ୍ମିଳନୀରେ ଏହି ସୂଚନା ଦିଆଯାଇଛି l
ଚଳିତ ବର୍ଷ ଭୁବନେଶ୍ୱର, କଟକ, ଢେଙ୍କାନାଳ, ମୟୁରଭଞ୍ଜ, ବାଲେଶ୍ୱର, ସମ୍ବଲପୁର ଓ ନୟାଗଡ଼ର ନାଟ୍ୟ ଅନୁଷ୍ଠାନ ଦ୍ୱାରା ୭ ଦିନ ବ୍ୟାପୀ ନାଟକ ପରିବେଷଣ କରାଯିବ l ପ୍ରତ୍ୟେକ ଦିନ ସଂନ୍ଧ୍ୟା ୭ଟା ୩୦ ମିନିଟରୁ ଆରମ୍ଭ ହୋଇ ରାତି ୯ଟା ୩୦ ମିନିଟ ପର୍ଯ୍ୟନ୍ତ ଏହି ନାଟକ ମଞ୍ଚସ୍ଥ ହେବ ବୋଲି କୁହାଯାଇଛି l
ନୟାଗଡ଼ରେ ହେବ ରାଜ୍ୟ ସ୍ତରୀୟ ନାଟ୍ୟକୋତ୍ସବ 2021