ନୟାଗଡ଼: ନୟାଗଡ଼ରେ ICU ସୁବିଧା ନଥିବାରୁ ଚାଲିଗଲା ଜଣେ ସମାଜସେବୀଙ୍କ ଜୀବନ । ଯିଏ ଅନ୍ୟମାନଙ୍କ ସେବା କରୁଥିଲେ ତାଙ୍କୁ ଶେଷରେ ମିଳିଲାନି ସେବା । ସାମ୍ନାକୁ ଆସିଲା ସ୍ୱାସ୍ଥ୍ୟସେବାର ନଗ୍ନ ଚିତ୍ର । ତାଙ୍କର ମୃତ୍ୟୁ ପରେ ଝୁରୁଛନ୍ତି ସାଙ୍ଗସାଥି, ଝୁରୁଛନ୍ତି ଆତ୍ମୀୟସ୍ବଜନ । ଏଥିପାଇଁ ନୟାଗଡ଼ କଲେଜର ପୁରାତନ ଛାତ୍ରଛାତ୍ରୀଙ୍କ ପକ୍ଷରୁ ଯୁବସମାଜସେବୀ କାହ୍ନାଙ୍କ ସ୍ମୃତି ଉଦ୍ଦେଶ୍ୟରେ ନୟାଗଡ଼ ସହରରେ ଏକ କ୍ୟାଣ୍ଡେଲ ଶୋଭାଯାତ୍ରା ଓ ସ୍ମୃତିସଭା ଅନୁଷ୍ଠିତ ହୋଇଯାଇଛି । ଏଥିରେ ବହୁ ଯୁବ ସମାଜସେବୀ ଯୋଗ ଦେଇଥିଲେ ।
ICU ଅଭାବରୁ ଚାଲିଗଲା ଯୁବ ସମାଜସେବିଙ୍କ ଜୀବନ: ଝୁରୁଛନ୍ତି ସାଙ୍ଗସାଥି
ନୟାଗଡ଼ ପୋଲିସ ପଡ଼ିଆ ଠାରୁ ଶତାଧିକ ଯୁବକ ଓ ସ୍ବେଛାସେବୀ କ୍ୟାଣ୍ଡେଲ ଶୋଭାଯାତ୍ରାରେ ବାହାରି ନୟାଗଡ଼ ଦକ୍ଷିଣକାଳୀ ପଡ଼ିଆ ଠାରେ ପହଞ୍ଚିଥିଲେ । ସେଠାରେ ଯୁବ ସମାଜସେବୀ କାହ୍ନାଙ୍କ ଉଦ୍ଦେଶ୍ୟରେ ଶୋକପ୍ରାଥନା କରାଯିବା ସହ ଏକ ସ୍ମୃତି ସଭା ଅନୁଷ୍ଠିତ ହୋଇଥିଲା ।