ନୟାଗଡ଼: ନୟାଗଡ ଚିନିକଳର ବାସ୍ତବ ସ୍ଥିତି ଅନୁଧ୍ୟାନ କଲା ଜିଲ୍ଲା କଂଗ୍ରେସ ଟିମ l ପ୍ରଶାସନ ପକ୍ଷରୁ ବର୍ଷେ ପୂର୍ବରୁ ଆକଳନ ହୋଇଥିବା ସରକାରୀ ସମ୍ପତ୍ତି ଚୋରି ଅଭିଯୋଗ କରିଛି କଂଗ୍ରେସ l ମାନ୍ୟବର ହାଇକୋର୍ଟ ନୟାଗଡ ଜିଲ୍ଲାପାଳଙ୍କୁ ଏହି ଚିନିକଳ ସୁରକ୍ଷା ଦାୟିତ୍ୱ ପାଇଁ ନିର୍ଦ୍ଦେଶ ଦେଇଥିଲେ l
ଚିନିକଳ ସ୍ଥିତି ଅନୁଧ୍ୟାନ କଲା ଜିଲ୍ଲା କଂଗ୍ରେସ, 100 କୋଟିର ଚୋରି ଅଭିଯୋଗ
ଏଥିରୁ ପ୍ରାୟ 100 କୋଟି ଟଙ୍କାର ଯନ୍ତ୍ରାଂଶ ଚୋରୀ ହୋଇଥିବା ଅଭିଯୋଗ କରିବା ସହ ଚିନି କଳ ସୁରକ୍ଷାରେ କୃଷି ମନ୍ତ୍ରୀ ଅରୁଣ ସାହୁଙ୍କ ଭୂମିକାକୁ ନେଇ ପ୍ରଶ୍ନ ଉଠାଇଛନ୍ତି ନୟାଗଡ଼ ଜିଲ୍ଲା କଂଗ୍ରେସ ସଭାପତି ରଂଜିତ ଦାଶ l ମନ୍ତ୍ରୀ ଅରୁଣ ସାହୁ ନିର୍ବାଚନରେ ଜିତିଲେ 7 ଦିନ ଭିତରେ ଚିନିକଳ ଚାଲୁ କରିବେ ବୋଲି କହିଥିଲେ । ମାତ୍ର 2 ବର୍ଷ ପୂରିବାକୁ ଆଉ କିଛି ଦିନ ଅଛି l ନୟାଗଡ଼ରେ ହେଉଥିବା ପାର୍କକୁ 7 ଦିନରେ ଥରେ ଦେଖିବାକୁ ସମୟ ହେଉଛି l ହେଲେ ଚିନିକଳ ସୁରକ୍ଷା ପାଇଁ ପୋଲିସ, ଜିଲ୍ଲାପାଳ ଆଦିଙ୍କୁ ନିର୍ଦ୍ଦେଶ ଦେଉନଥିବା ଜିଲ୍ଲା କଂଗ୍ରେସ ସଭାପତି ରଂଜିତ ଦାଶ ଅଭିଯୋଗ କରିଛନ୍ତି l