ନୟାଗଡ: ପିଜି (PG) ଏବଂ ୟୁଜି (UG) ତଥା ଯୁକ୍ତ ୩ ଶେଷ ବର୍ଷର ପରୀକ୍ଷା ପାଇଁ ପ୍ରସ୍ତୁତ ହେଉଛନ୍ତି ସରକାର । ହେଲେ ଅନ୍ୟ ସେମିଷ୍ଟାର ପରୀକ୍ଷାକୁ ନେଇ ଚିନ୍ତାରେ ଛାତ୍ରଛାତ୍ରୀ । ଏନେଇ ବିଭାଗ ପକ୍ଷରୁ କିଛି ସ୍ପଷ୍ଟ କରାଯାଇନି । ଇତି ମଧ୍ୟରେ ୟୁଜିସି(UGC) ପକ୍ଷରୁ ନୂଆ ଗାଇଡଲାଇନ ଜାରି ହୋଇଛି l ୨୦୨୧-୨୨ ଶିକ୍ଷାବର୍ଷ ପାଇଁ ଏହି ନୂଆ ଗାଇଡଲାଇନ ଜାରିକରିଛି (UGC)।
ଶେଷ ବର୍ଷର ପରୀକ୍ଷା ସରିବା ପରେ ଅନ୍ୟ ସେମିଷ୍ଟାର ନେଇ ନିଷ୍ପତ୍ତି ନିଆଯିବ: ମନ୍ତ୍ରୀ
ଜୁଲାଇ ୩୧ ପୂର୍ବରୁ ସମସ୍ତ ଯୁକ୍ତଦୁଇ ଫଳାଫଳ ବାହାର କରିବା ସହ ଅଗଷ୍ଟ ୩୧ ସୁଦ୍ଧା ସମସ୍ତ ଶେଷବର୍ଷ ପରୀକ୍ଷା ସାରିବାକୁ ନିର୍ଦ୍ଦେଶ ଦିଆଯାଇଛି । ସେପ୍ଟେମ୍ୱର ୩୦ ସୁଦ୍ଧା ନାମଲେଖା ପ୍ରକ୍ରିୟା ସାରିବାକୁ ମଧ୍ୟ ନିର୍ଦ୍ଦେଶ ଦିଆଯାଇଛି । ଅକ୍ଟୋବର ୩୧ ସୁଦ୍ଧା ବଳକା ସିଟ୍ ପାଇଁ ନାମଲେଖା ଶେଷ କରିବାକୁ ଗାଇଡଲାଇନ ଜାରି ହୋଇଛି । ଅକ୍ଟୋବର ୧ରୁ ଶିକ୍ଷାବର୍ଷ ପାଇଁ ପାଠପଢ଼ା ହେବା ନେଇ ନିର୍ଦ୍ଦେଶନାମା ଜାରି ହୋଇଛି ।