ନୟାଗଡ଼: ନୟାଗଡ଼ରେ ପୁଣି ଅଲୋଡ଼ା ହେଲା ଶିଶୁ କନ୍ୟା । ଝିଅ ଜନ୍ମ ହେବାରୁ ମାଆକୁ ନିର୍ଯାତନା । ଶାଶୁ ଘରୁ ତଡିଦେଲେ ମାଆକୁ । ନୟାଗଡ଼ ଜିଲ୍ଲା ଲକ୍ଷ୍ମୀପ୍ରସାଦ ଗ୍ରାମ ପଞ୍ଚାୟତ ଯଦୁପୁର ଗ୍ରାମର ଝିଅ ତଥା ଡିଆଁପଡା ପଥରକଟା ଗ୍ରାମର ବୋହୂ ଅନିତା ସେଠୀ ଏଭଳି ଅଭିଯୋଗ ଆଣିଛନ୍ତି । ଅନିତାଙ୍କ ଅଭିଯୋଗ ଯେ, ତାଙ୍କର ଝିଅ ହୋଇଥିବାରୁ ସ୍ବାମୀ ସୁଶାନ୍ତ ସେଠୀ ଓ ତାଙ୍କ ଘର ଲୋକ ତାଙ୍କୁ ମାଡ ଗାଳି କରି ଘରୁ ବାହାର କରି ଦେଇଛନ୍ତି । ଝିଅ ଜନ୍ମ ହେବା ପରଠୁ ବାରମ୍ବାର ଏପରି ଘଟୁଛି ।
ପୁଣି ଅଲୋଡ଼ା ହେଲା ଶିଶୁ କନ୍ୟା: ଝିଅ ଜନ୍ମ ଦେବାରୁ ମାଆକୁ ତଡିଦେଲେ ଶାଶୁ ଘର ଲୋକେ
ଏ ସମ୍ପର୍କରେ ଅନିତା ପୂର୍ବରୁ ଟାଉନ ଥାନାରେ ଅଭିଯୋଗ କରିଥିଲେ । ସ୍ବାମୀ ସୁଶାନ୍ତଙ୍କ ପରିବାର ଲୋକେ ସମାଧାନ କରି ଘରକୁ ନେଇଥିଲେ । କିଛି ଦିନ ପରେ ପୁଣି ଝିଅ କାହିଁକି ଜନ୍ମ କଲୁ କହି ଘରୁ ବାହାର କରି ଦେଇଛନ୍ତି ।