ନୟାଗଡ଼:ଜିଲ୍ଲାର ବଧିପାଟଣା ଗ୍ରାମର 3 ବର୍ଷ ଝିଅ ସ୍ବାତୀ ନିଖୋଜ ଘଟଣାରେ ସନ୍ଦେହ କରାଯାଇଥିବା ପୋଖରୀକୁ ରବିବାର ଓଡ୍ରାଫ ଟିମ ପଶିଛି । ପୋଖରୀରେ ସ୍ଵାତୀ ପଡ଼ିଥିବା ସନ୍ଦେହ ନେଇ ସ୍କୁବା ଡାଇଭର ଦ୍ବାରା ଅଧିକ ତଦନ୍ତ ଜାରି ରହିଛି ।
ସ୍ଵାତି ନିଖୋଜ ଘଟଣା: ସନ୍ଦେହୀ ପୋଖରୀକୁ ପଶିଲା ଓଡ୍ରାଫ ଟିମ
ଜିଲ୍ଲା ରଣପୁର ଥାନା ବଧିପାଟଣା ଗ୍ରାମରେ ଶୁକ୍ରବାର ଦିନ ଅପରାହ୍ନ ସମୟରେ ସଂଜୟ କୁମାର ସାହୁଙ୍କ 3 ବର୍ଷ ଝିଅ ସ୍ଵାତୀ ସାହୁ ନିଖୋଜ ହୋଇଯାଇଥିଲା l ପରୀ ଘଟଣା ପରେ ପୁଣି ଆଉ ଏକ ଶିଶୁକନ୍ୟାର ନିଖୋଜ ପରେ ଘଟଣାଟିକୁ ନେଇ ରାଜନୀତି ସରଗରମ ହୋଇଉଠିଛି । ପରେ ରାଜ୍ୟ ସରକାର ଘଟଣାକୁ ଗୁରୁତର ସହିତ ନେଇ ଶିଶୁକନ୍ୟା ସ୍ବାତୀକୁ ଖୋଜିବାରେ ଲାଗିଛନ୍ତି ।