ନୟାଗଡ: ନୟାଗଡ଼ର ଇକିରି ପଞ୍ଚାୟତର ନଛିପୁର ଗାଁରେ ପାଞ୍ଚ ବର୍ଷ ହେବ ଆୟୋଜନ ହେଉଛି ରଜ ଉତ୍ସବ । ଗାଁର ପ୍ରତ୍ୟେକ ମଣିଷ ଏକାଠି ହୁଅନ୍ତି ଓ ସମସ୍ତେ ଏଇ ପର୍ବକୁ ପାଳନ କରିଥାନ୍ତି । କୁହାଯାଏ ଏହା ନୟାଗଡ ଜିଲ୍ଲାର ସବୁଠୁ ବଡ ରଜ ଉତ୍ସବ । ଦୁଇ ଦିନ ଧରି ଆୟୋଜନ ହୋଇଥିବା ଏହି ଉତ୍ସବରେ ପ୍ରଥମ ଦିନ ବିଭିନ୍ନ ପ୍ରକାର ପ୍ରତିଯୋଗିତା ହୋଇଥାଏ । ପୁଚି, ଦୋଳି ଖେଳ, ପାନ ଭଙ୍ଗା, ଦହି ହାଣ୍ଡି ଭାଙ୍ଗିବା, ଝୋଟି, ମ୍ୟୁଜିକ ଚେୟାର, ଇତ୍ୟାଦି ବିଭିନ୍ନ ପ୍ରକାର ଖେଳ ହୋଇଥାଏ । ଦ୍ୱିତୀୟ ଦିନ ସନ୍ଧ୍ୟାରେ ଗାଁର ପିଲାମାନେ ନାଚ, ଗୀତ କରିଥାନ୍ତି ।
ଭିଡିଓ ସୌଜନ୍ୟ: ପ୍ରତିନିଧି, ନୟାଗଡ ସହରିକରଣ ହେତୁ ଗାଁର ଲୋକ କଳା ହଜିଯିବାକୁ ବସିଛି । ତେବେ ଏମିତି କିଛି କିଛି ଗାଁ ଅଛି ଯାହା ଅନ୍ୟ ମାନଙ୍କ ପାଇଁ ପ୍ରେରଣା । ନଛିପୁର ଗାଁର ରଜକୁ ଆୟୋଜନ କରୁଥିବା ଆଲୋକ ଜ୍ୟୋତି କ୍ଲବର ସମସ୍ତ ସଭ୍ୟମାନେ ବେଶ ଖୁସି ପ୍ରକଟ କରନ୍ତି । ଓଡ଼ିଆଙ୍କ ବାର ମାସରେ ତେର ପର୍ବ । ତେବେ ସଂସ୍କୃତି ଓ ପରମ୍ପରାର ରଜ ଉତ୍ସବ ଯାହା ପ୍ରତ୍ୟେକ ଓଡ଼ିଆଙ୍କ ଘରେ ଘରେ ପାଳନ ହୋଇଥାଏ । ସଭ୍ୟତା ସହ ସଂସ୍କୃତିରେ ମଧ୍ୟ ପରିବର୍ତ୍ତନ ହୋଇଛି । ଦିନକୁ ଦିନ ପରମ୍ପରା ବୁଡ଼ିବାକୁ ଯାଉଥିବା ବେଳେ ବର୍ତ୍ତମାନ ସମୟରେ ସଂସ୍କୃତି ଓ ପରମ୍ପରାକୁ ନେଇ ସଚେତନ ହେଲେଣି ଲୋକମାନେ ।
ନୟାଗଡରୁ ଉତ୍ପଳ ସାହୁ, ଇଟିଭି ଭାରତ
