ନୟାଗଡ: ତହସିଲଦାରଙ୍କୁ ଆକ୍ରମଣ ଘଟଣାରେ 2 ଗିରଫଦାରୀକୁ ବିରୋଧ କରି ଧାରଣା । କିଛି ଦିନ ପୂର୍ବେ ଟାଙ୍ଗୀ ତହସିଲଦାରଙ୍କୁ ଆକ୍ରମଣ ହୋଇଥିଲା । ଏଥିରେ ସମ୍ପୃକ୍ତି ଅଭିଯୋଗରେ 2 ବିଜେପି କର୍ମୀଙ୍କୁ ନୟାଗଡ଼ ଜିଲ୍ଲା ଚାନ୍ଦପୁର ପୋଲିସ ଗିରଫ କରିଛି । ମାତ୍ର ଗିରଫ 2 ଜଣଙ୍କୁ ନିର୍ଦ୍ଦୋଷ ବୋଲି ଅଭିଯୋଗ କରି ଶତାଧିକ ପୁରୁଷ ଓ ମହିଳା ବିଜେପି କର୍ମୀ ଚାନ୍ଦପୁର ଥାନା ସମ୍ମୁଖରେ ଧାରଣା ଦେଇଥିଲେ ।
ତହସିଲଦାରଙ୍କୁ ଆକ୍ରମଣ ଘଟଣା: ଗିରଫ ହୋଇଥିବା 2 ଜଣଙ୍କୁ ମୁକ୍ତ କରିବାକୁ ଦାବି
ଏହା ବିରୋଧକାରୀ ଚାନ୍ଦପୁର ଆଇଆଇସି ରଶ୍ମି ରଞ୍ଜନ ଦାଶଙ୍କ ବଦଳି ଦାବି କରିଥିଲେ । ଏଥିରେ ରଣପୁର ବିଜେପିର ବିଧାୟିକା ପ୍ରାର୍ଥୀ ସୁରମା ପାଢ଼ୀ ସାମିଲ ହୋଇ ଆଇଆଇସିଙ୍କ ଏଭଳି କାର୍ଯ୍ୟକୁ ନିନ୍ଦା କରିଥିଲେ । ବିଜେପି ଦଳର କର୍ମୀମାନଙ୍କୁ ଜାଣିଶୁଣି ମିଥ୍ୟା ମାମଲା କରି ହଇରାଣ କରୁଥିବା ଅଭିଯୋଗ କରି ଧାରଣାରେ ବସିବା ସହ ଥାନା ଭିତରେ ପଶି ହରିବୋଲ ହୁଳହୁଳି ଦେବାସହ ଥାନା ଅଧିକାରୀଙ୍କ ବଦଳି ଦାବି କରିଥିଲେ।