ନୟାଗଡ଼: ଅକ୍ଟୋବର ୩ ତାରିଖରେ ଉତ୍ତର ପ୍ରଦେଶ ଲକ୍ଷ୍ମୀପୁର ଖେରି ଅଞ୍ଚଳରେ କେନ୍ଦ୍ରମନ୍ତ୍ରୀ ତଥା ଉତ୍ତର ପ୍ରଦେଶ ସାଂସଦ ଅଜୟ ମିଶ୍ରାଙ୍କ ପୁଅ ଓ ତାଙ୍କର ଗୁଣ୍ଡାମାନେ ଗାଡି ଚଢାଇ ୬ ଜଣ କୃଷକଙ୍କୁ ନିର୍ମମ ଭାବେ ହତ୍ୟା କରିଥିବା ଅଭିଯୋଗ ହୋଇଛି । ଆନ୍ଦୋଳନରତ ଚାଷୀଙ୍କ ଉପରେ ଯେଉଁଭଳି ବର୍ବରୋଚିତ ଆକ୍ରମଣ କରିଛନ୍ତି ତା’ର ପ୍ରତିବାଦରେ ଆଜି(ସୋମବାର) ନୟାଗଡ଼ ଜିଲ୍ଲାପାଳଙ୍କ ଅଫିସ ସମ୍ମୁଖରେ ପ୍ରତିବାଦ କରିଛନ୍ତି ଚାଷୀ ଓ ଶ୍ରମିକ ।
ଉତ୍ତରପ୍ରଦେଶରେ କୃଷକ ମୃତ୍ୟୁ ଘଟଣା: ନୟାଗଡରେ ଯୋଗୀ ଆଦିତ୍ୟଙ୍କ କୁଶପୁତ୍ତଳିକା ଦାହ
ଚାଷୀ ଓ ଶ୍ରମିକମାନେ ଦୀର୍ଘ ସମୟ ପର୍ଯ୍ୟନ୍ତ ପ୍ରତିବାଦ କରି ଗଣଧାରଣା ଦେଇଥିଲେ । ସଂଯୁକ୍ତ କିଷାନ ମୋର୍ଚ୍ଚାର ନେତୃବୃନ୍ଦ ମାନେ ବକ୍ତବ୍ୟ ଦେଇ ବିଜେପି ନେତୃତ୍ତ୍ବାଧୀନ ଯୋଗୀ ଆଦିତ୍ୟନାଥ ସରକାରର ଚାଷୀ ହତ୍ୟାକାରୀ ନୀତିକୁ ତୀବ୍ର ସମାଲୋଚନା କରିବା ସହ ଯୋଗୀ ଆଦିତ୍ୟ ନାଥ, ସାଂସଦ ଅଜୟ ମିଶ୍ର ଓ ତାଙ୍କର ସମସ୍ତ ଗୁଣ୍ଡା ବିରୁଦ୍ଧରେ ହତ୍ୟା ମୋକଦ୍ଦମା ତୁରନ୍ତ ରୁଜୁ କରି ଦୃଷ୍ଟାନ୍ତ ମୂଳକ ଦଣ୍ଡ ଦେବାକୁ ଦାବି କରିଛନ୍ତି ।