2 ଓଡିଆ ଆଲବମର ଶୁଭ ମହୁରତ

ନୟାଗଡା ଜିଲ୍ଲାରେ 2 ଓଡିଆ ଆଲବମର ହେଲା ଶୁଭ ମୁହରତ । ଓମ ପ୍ରକାଶଙ୍କ ସଂଯୋଜନାରେ ସଙ୍ଗୀତ ନିର୍ଦ୍ଦେଶନା ଦେଇଛନ୍ତି ପୂର୍ଣ୍ଣଚନ୍ଦ୍ର ବେହେରା । ଅଧିକ ପଢନ୍ତୁ...

ନୟାଗଡ: ଜିଲ୍ଲାରେ 2 ଓଡିଆ ଆଲବମର ହେଲା ଶୁଭ ମୁହରତ । ରାଜସୁନାଖଳା ରେଳ ଷ୍ଟେସନରେ ମେଘ ମଲ୍ଲାର ପ୍ରଡକ୍ସନ ପକ୍ଷରୁ ‘ତତେ ଏବେ ନୂଆ କରି ଛୁଇଁଛି ଲୋ ଯୌବନ’ ଓ ‘କଲିକତା ରାଣୀ ତୁ ଲୋ’ର ଶୁଭମହୁରତ ହୋଇଯାଇଛି ।

ଏହି ଦୁଇଟି ଗୀତ ପାଇଁ ସଂଯୋଜନା ଦାୟିତ୍ବ ଓମ ପ୍ରକାଶ ସମ୍ଭାଳିଥିବାବେଳେ ପୂର୍ଣ୍ଣ ଚନ୍ଦ୍ର ବେହେରା ସଙ୍ଗୀତର ନିର୍ଦ୍ଦେଶନା ଦେଇଛନ୍ତି । ରାଜସୁନାଖଳା ରେଳ ଷ୍ଟେସନ ଠାରେ ଏହି ମହୁରତ ଉତ୍ସବରେ ଖୋର୍ଦ୍ଧା ସମବାୟ ବ୍ୟାଙ୍କ ନିର୍ଦ୍ଦେଶକ ପ୍ରଫୁଲ୍ଲ ପ୍ରଧାନ ଆଲବମକୁ ଆନୁଷ୍ଠାନିକ ଭାବେ ଶୁଭାରମ୍ଭ କରିଥିଲେ ।

କୋରୋନା କଟକଣା ମଧ୍ୟରେ ଫିଲ୍ମ ଓ ଆଲବମ ସୁଟିଂକୁ ଅନୁମତି ମିଳିଛି।ଏହି ଆଲବଲରେ ସାର୍ଥକ ନାୟକ ଓ ରାଣୀ ଅଭିନୟ କରୁଛନ୍ତି । ରାଜ ସୁନାଖଳାର ବିଭିନ୍ନ ସୌନ୍ଦର୍ଯ୍ୟମୟ ସ୍ଥାନଗୁଡିକରେ ଏହି ଆଲବମର ସୁଟିଙ୍ଗ ହୋଇଛି । ରାଜସୁନାଖଳା ରେଳ ଷ୍ଟେସନ, କୋଟଗଡ ଗୁମ୍ଫା ଓ ପାହାଡ ପ୍ରଭୃତି ଗ୍ରାମାଞ୍ଚଳର ସୌନ୍ଦର୍ଯ୍ୟମୟ ସ୍ଥାନ ମାନଙ୍କରେ ସୁଟିଙ୍ଗ କରାଯାଇଥିଲା। ସେପଟେ ଗ୍ରାମାଞ୍ଚଳରେ ହେଉଥିବା ଆଲବମ ସୁଟିଙ୍ଗକୁ ଦେଖିବା ପାଇଁ ଲୋକେ ଉତ୍ସାହିତ ହେଉଥିବା ଦେଖିବାକୁ ମିଳିଥିଲା ।

ନୟାଗଡରୁ ଜୟେନ୍ଦ୍ର ବେହେରା, ଇଟିଭି ଭାରତ