ନୟାଗଡ: ଏକ ଲୁଟ ଘଟଣାର ପର୍ଦ୍ଦାଫାଶ କରିବାରେ ସଫଳ ହୋଇଛି ନୟାଗଡ ଜିଲ୍ଲା ପୋଲିସ । 3 କୁଖ୍ୟାତ ଅପରାଧୀଙ୍କୁ ଧରିବା ସହ ଲକ୍ଷାଧିକ ଟଙ୍କାର ସ୍ବର୍ଣ୍ଣ ଅଳଙ୍କାର ଜବତ କରିବାରେ ସଫଳ ହୋଇଛି ପୋଲିସ । ଏନେଇ ଏକ ପ୍ରେସମିଟ କରି ନୟାଗଡ଼ ଏସପି ସିଦ୍ଧାର୍ଥ କଟାରିଆ ସୂଚନା ଦେଇଛନ୍ତି । ରଣପୁର ଥାନା ଆଇଆଇସି ଜ୍ୟୋତି ପ୍ରକାଶ ପଣ୍ଡା, ଶରଣକୂଳ ଏସଡ଼ିପିଓ ଏସ. ଟପ୍ପୋଙ୍କ ଉପସ୍ଥିତିରେ ଏହି ସାମ୍ବାଦିକ ସମ୍ମିଳନୀ କରାଯାଇଥିଲା ।
ପୋଲିସ ପଞ୍ଝାରେ 3 କୁଖ୍ୟାତ ଅପରାଧୀ, ଲୁଟ ସୁନା ଗହଣା ସହ ମାରଣାସ୍ତ୍ର ଜବତ
ପୋଲିସ ପକ୍ଷରୁ ମିଳିଥିବା ସୂଚନା ଅନୁସାରେ ,ଗତ 21ତାରିଖ ସକାଳ ସମୟରେ ରଣପୁର ଥାନା ସଂଖେଇ ଗ୍ରାମର ସ୍ବର୍ଣ୍ଣ ଅଳଙ୍କାର ବ୍ୟବସାୟୀ ଅରୁଣ କୁମାର ସାହୁ ନିଜ ବାଇକ ଯୋଗେ ବ୍ୟବସାୟ କ୍ଷେତ୍ରକୁ ଯିବାବେଳେ ଲୁଟର ଶିକାର ହୋଇଥିଲେ । 3 ଦୁବୃର୍ତ୍ତ ମାରଣାସ୍ତ୍ର ଦେଖାଇ ଅରୁଣଙ୍କ ଠାରୁ ଅଳଙ୍କାର ଭର୍ତ୍ତି ବ୍ୟାଗ ଲୁଟି ନେଇ ଘଟଣାସ୍ଥଳରୁ ଫେରାର ହୋଇଯାଇଥିଲା ।