ନୟାଗଡ:ତ୍ରିସ୍ତରୀୟ ପଞ୍ଚାୟତ ନିର୍ବାଚନକୁ ନେଇ ସରଗରମ ଦଶପଲ୍ଲା ନିର୍ବାଚନ ମଣ୍ଡଳୀ l ବିଜେଡ଼ି, ବିଜେପି ଏବଂ କଂଗ୍ରେସର ପ୍ରାର୍ଥୀମାନେ ଆସନ ହାତେଇବା ଲକ୍ଷ୍ୟରେ ଚଳାଇଛନ୍ତି ଜୋରଦାର କସରତ l ଚଳିତ ଥର ବିଜେଡ଼ି ଏବଂ ବିଜେପି ମଧ୍ୟରେ ଜୋରଦାର ଟକ୍କର ଦେଖଥିବାକୁ ମିଳିବ l
ସରଗରମ ଦଶପଲ୍ଲା ରାଜନୀତି, ଗଡ଼ ଅକ୍ତିଆର କରିବା ଲକ୍ଷ୍ୟରେ ବିଜେଡ଼ି
2017 ତ୍ରିସ୍ତରୀୟ ପଞ୍ଚାୟତ ନିର୍ବାଚନର ସମସ୍ତ ଜିଲ୍ଲା ପରିଷଦ ଆସନ ବିଜେଡ଼ି ହାତେଇଥିବା ବେଳେ ସମିତି ସଭ୍ୟ ଏବଂ ସରପଞ୍ଚ ପଦବୀ ପାଇଁ ବିଜେଡ଼ି ପରୋକ୍ଷ ସମର୍ଥନ ଜଣାଇ ମଧ୍ୟ ସଫଳତା ହାସଲ କରିଥିଲା l ସେହିପରି ଦ୍ୱିତୀୟ ସ୍ଥାନରେ ବିଜେପି ଏବଂ ତୃତୀୟ ସ୍ଥାନରେ କଂଗ୍ରେସ ରହିଥିଲା l କିନ୍ତୁ ଚଳିତ ଥର ଆସନ ହାତେଇବା ଲକ୍ଷରେ ବିଜେପି ଏବଂ କଂଗ୍ରେସ ପ୍ରଚାରକୁ ଜୋରଦାର କରିଛନ୍ତି l