ଯଦୁପୁର ଛାଡ଼ିଲେ ଓଡ୍ରାଫ ଏବଂ ଅଗ୍ନିଶମ ବାହିନୀ, ମିଳିପାରିଲାନି ଅବଶିଷ୍ଟ ଦେହାବଶେଷ

ବହୁଚର୍ଚ୍ଚିତ ନୟାଗଡ ନାବାଳିକା ହତ୍ୟାକାଣ୍ଡ ଘଟଣାରେ ପୋଖରୀରୁ ଲେଗିନ୍ସ ଉଦ୍ଧାର କରିବା ପାଇଁ ଆସିଥିବା ଓଡ୍ରାଫ ଟିମ ଆଜି ଫେରିଛି । ପଢନ୍ତୁ ଅଧିକ.....

ନୟାଗଡ଼: ବହୁଚର୍ଚ୍ଚିତ ନୟାଗଡ ନାବାଳିକା ହତ୍ୟାକାଣ୍ଡ ଘଟଣାରେ ପୋଖରୀରୁ ଲେଗିନ୍ସ ଉଦ୍ଧାର କରିବା ପାଇଁ ଆସିଥିବା ଓଡ୍ରାଫ ଟିମ ଫେରିଛି । 3 ଦିନ ଧରି ଯଦୁପୁର ଗାଁରେ ଡେରା ପକାଇଥିବା ଏହି 2 ଟିମ ଏବେ ଫେରିଯାଇଛି l ଗତକାଲି ବିଳମ୍ବିତ ରାତିରେ ପୋଖରୀରୁ ଅଗ୍ନିଶମ ବାହିନୀର କର୍ମଚାରୀ ପରୀର ଲେଗିଙ୍ଗସ ପାଇଥିଲେ । ଆଜି ଦିନ ତମାମ ପରୀର ଅବଶିଷ୍ଟାଂଶ ହାଡ଼କୁ ଉଦ୍ଧାର କରିପାରିନି ଓଡ୍ରାଫ ଟିମ ।

ଏହି ସ୍କୁବା ଡାଇଭର ଟିମ ପାଣି ଭିତରକୁ ଯାଇ ତନ୍ନତନ୍ନ କରି ଖୋଜିଥିଲେ କିନ୍ତୁ କିଛି ମିଳି ନଥିଲା କେବଳ ସିମ ଏବଂ ବ୍ୟାଟେରୀ ବିହୀନ ଏକ କି ପ୍ୟାଡ଼ ଫୋନ ମିଳିଥିଲା l ଏହି ମୋବାଇଲ କାହାର ଏଯାବତ ସ୍ପଷ୍ଟ ହୋଇନାହିଁ l ଦିନ ତମାମ କସରତ କରି ବିଫଳ ହେବାରୁ ଶେଷରେ ଯଦୁପୁର ଗାଁ ଛାଡ଼ିଛି ଉଦ୍ଧାରକାରୀ ଟିମ l ପୁଣି ଫେରିବ କି ନାହିଁ ସେ ବିଷୟରେ କିଛି ସୂଚନା ମିଳିପାରିନାହିଁ ।

ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ