ନୟାଗଡ଼: ଓଡ଼ଗାଁ ଥାନା ପୋଲିସ ବିଭିନ୍ନ ସ୍ଥାନରେ ଚଢ଼ାଉ କରି ୩ ଜଣ ଆନ୍ତଃଜିଲ୍ଲା ଡକାୟତଙ୍କୁ ଗିରଫ କରିବା ସହ ୩ଟି ଗାଡ଼ି ଜବତ କରିଛି । ଗିରଫ ହୋଇଥିବା ଅଭିଯୁକ୍ତମାନେ ହେଲେ ନନ୍ଦିଘୋର ତୁଳସୀସାହିର ଟୁଲୁ ଓରଫ୍ କାର୍ତ୍ତୀକ ନାୟକ, ଓସ୍ତିଆର ନକୁଳ ଓରଫ ସନ୍ତୋଷ ବେହେରା, ଓଡ଼ଗାଁ ଖେଳପଡ଼ିଆ ସାହିର ଟୁନା ଓରଫ କୈଳାସ ଚନ୍ଦ୍ର ସାହୁ ।
ସୂଚନାନୁସାରେ, ଏହି ଅଭିଯୁକ୍ତମାନେ ବିଭିନ୍ନ ସ୍ଥାନରୁ ଗାଡ଼ି ଲୁଟ କରି ନନ୍ଦିଘୋରରୁ ପୂର୍ବରୁ ଧରାପଡ଼ିଥିବା ଗ୍ୟାଙ୍ଗ ସହ ସଂପୃକ୍ତ ରହିଥିବା ଜଣାଯାଇଛି । ଏମାନେ କନ୍ଧମାଳ ଏବଂ ନୟାଗଡ଼ ଜିଲ୍ଲାରେ ଡକାୟତି କରୁଥିବା ସୂଚନା ମିଳିଛି l