ନୟାଗଡ଼: ପ୍ରଶାସନ ତରଫରୁ ଜବରଦଖଲ ଉଚ୍ଛେଦ । ଶୀତ କାକରରେ ବେସାହାରା ହେଲେ ବସ୍ତି ବାସିନ୍ଦା । ନୟାଗଡ଼ ଜିଲ୍ଲା ଓଡଗାଁ ଆଦର୍ଶ ଥାନା ନିକଟସ୍ଥ ଜାରିଙ୍ଗି ନୂଆସାହିର 36 ଘର ଏବଂ କଲ୍ୟାଣି ସାହିରୁ ଏକ-ଏକ ବଖରାକୁ ଜବରଦଖଲ କରାଯାଇଥିବା ଦର୍ଶାଇ ପ୍ରଶାସନ ଉଚ୍ଛେଦ କରିଛି ।
ଜବରଦଖଲ ଉଚ୍ଛେଦ କଲା ଓଡଙ୍ଗା ପ୍ରଶାସନ, ବସ୍ତିବାସିନ୍ଦାଙ୍କ ଥଇଥାନ ଦାବି
ଫଳରେ ଶୀତ କାକରରେ ପଡି ହଇରାଣ ହରକତ ହେଉଛନ୍ତି ଲୋକେ । ଶୀତ କାକରରେ ଏବଂ କରୋନା ସମୟରେ ଗରିବ ଅସହାୟ, ଲୋକଙ୍କୁ ଶୁଖିଲା ଖାଦ୍ୟ ସହ କମ୍ବଳ ବାଣ୍ଟୁଥିବା ଦେଖିବାକୁ ମିଳୁଥିବାବେଳେ ଏଭଳି ମାରଣ ନୀତିକୁ ନେଇ ଓଡ଼ଗାଁ ପ୍ରଶାସନ ସମାଲୋଚନାର ଶିକାର ହେବାକୁ ପଡିଛି । ସରକାର ଜାଗା ମିଶନ ଯୋଜନାରେ ଗରିବ ଅସହାୟ ଲୋକମାନଙ୍କୁ ପଟ୍ଟା ସହ ପ୍ରଧାନମନ୍ତ୍ରୀ ଆବାସ ଯୋଜନାରେ ଘର ଯୋଗାଉଛନ୍ତି । ହେଲେ ଓଡ଼ଗାଁ ପ୍ରଶାସନ ଏ ଦିଗରେ ବହୁ ପଛରେ ଥିବା ଏ ଚିତ୍ର ସ୍ପଷ୍ଟ କରୁଛି ।