ନୟାଗଡ଼: ଯୁବତୀଙ୍କୁ ଅପହରଣ କରି ନେବାବେଳେ ଉଦ୍ଧାର କଲା ପୋଲିସ । ଏହି ଘଟଣାରେ ସଂଶ୍ଲିଷ୍ଟ 3 ଅଭିଯୁକ୍ତ ଗିରଫ ହୋଇଥିବା ସୂଚନା । ସିସିଟିଭି ଫୁଟେଜ ଆଧାରରେ ଘଟଣାର ତଦନ୍ତ ଆରମ୍ଭ କରିଛି ପୋଲିସ ।
ଫିଲ୍ମ ଷ୍ଟାଇଲରେ 2 ଯୁବତୀଙ୍କୁ ଅପହରଣ ଘଟଣା, 3 ଅଭିଯୁକ୍ତଙ୍କୁ ବାନ୍ଧିଲା ପୋଲିସ
ନୟାଗଡ଼ ଜିଲ୍ଲା ସିନ୍ଦୁରିଆ ଗାଁରେ ଆଇସକ୍ରିମ କିଣିବା ପାଇଁ ଆସିଥିବାବେଳେ ଅପହରଣର ଶିକାର ହୋଇଥିଲେ ଦୁଇ ଯୁବତୀ । ସୂଚନା ମୁତାବକ, ଦୁଇ ଜଣ ଯୁବତୀ ଆଇସ୍କ୍ରିମ କିଣି ଘରକୁ ଫେରୁଥିଲେ l ତେବେ ଗୋଟିଏ କାରରେ ତିନି ଯୁବକ ବନ୍ଧୁକ ଓ ଭୁଜାଲି ଦେଖାଇ ଘଟଣାସ୍ଥଳରେ ଦୁଇ ଯୁବତୀଙ୍କୁ ଉଠାଇ ନେଇଥିଲେ । ଏହି ଘଟଣାରେ ଯୁବତୀଙ୍କ ପରିବାର ଲୋକେ ତୁରନ୍ତ ଟାଉନ ଥାନାରେ ଅଭିଯୋଗ କରିଥିଲେ । ସେଠାରେ ଲାଗିଥିବା ସିସିଟିଭି ଫୁଟେଜ ଆଧାରରେ ଘଟଣାର ତଦନ୍ତ ଆରମ୍ଭ କରିଥିଲା ପୋଲିସ । ପୋଲିସ ବିଭିନ୍ନ ସ୍ଥାନରେ ଚଢ଼ାଉ କରି ଯୁବତୀଙ୍କୁ ଉଦ୍ଧାର କରିବା ସହ 3 ଅଭିଯୁକ୍ତଙ୍କୁ ଗିରଫ କରିଛି।