ନୟାଗଡ଼:କୁରାଳ ଗ୍ରାମର 12 ବର୍ଷୀୟ ନାବାଳକ ଅମ୍ରିତ ପାତ୍ର ଅପହରଣ ଘଟଣା । ନିଖୋଜର 5 ଦିନ ପରେ ଉଦ୍ଧାର ହେଲା ଅମ୍ରିତ । ଗତକାଲି (ରବିବାର) ବିଳମ୍ବିତ ରାତିରେ ଅମ୍ରିତକୁ ସୁରକ୍ଷିତ ଭାବେ କେହି ଗାଁ ଦାଣ୍ଡରେ ଆଣି ଛାଡ଼ି ଦେଇଥିବା ଦେଖିବାକୁ ମିଳିଛି l ଅମ୍ରିତଙ୍କୁ ଉଦ୍ଧାର ପରେ ଗାଁ ଓ ପରିବାର ଲୋକଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳିଛି l ଟ୍ୟୁସନ ସାରି ଘରକୁ ଫେରୁଥିବା ବେଳେ ଅପହରଣ ହୋଇଥିବା ପରିବାର ଲୋକେ ଅଭିଯୋଗ କରିଥିଲେ ।
ଆଜି (ସୋମବାର) ସକାଳୁ ଅମ୍ରିତକୁ ଦେଖିବା ପାଇଁ ଶହଶହ ଗ୍ରାମବାସୀଙ୍କ ଭିଡ଼ ଦେଖିବାକୁ ମିଳିଛି l ସେପଟେ ଅମ୍ରିତ କେଉଁଠି ଓ କିଭଳି ଅବସ୍ଥାରେ ଥିଲେ ଏନେଇ କୌଣସି ସ୍ପଷ୍ଟ ସୂଚନା ମିଳିନାହିଁ l ଅମ୍ରିତଙ୍କ ସ୍ୱାସ୍ଥ୍ୟ ପରୀକ୍ଷା ପାଇଁ ସ୍ଥାନୀୟ ମେଡିକାଲକୁ ନେଇଛି ପୋଲିସ l ନୟାଗଡ଼ ଜିଲ୍ଲା ଓଡ଼ଗାଁ ଥାନା ଅଧୀନ କୁରାଳ ଗ୍ରାମରେ ଟ୍ୟୁସନ ସାରି ସନ୍ଧ୍ୟାରେ ଘରକୁ ଫେରିବା ବେଳେ ଅମ୍ରିତକୁ ଗାଁ ଦାଣ୍ଡରୁ କେହି ଅପହରଣ କରିଥିବା ନେଇ ଅଭିଯୋଗ ହୋଇଥିଲା l ଯାହାକୁ ନେଇ ସାରା ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି ହେବା ସହ ପୋଲିସ ଓ ଡ୍ରଗ ସ୍କ୍ବାର୍ଡ ପହଞ୍ଚି ଛାନଭିନ ଚଳାଇଥିଲେ l
ଇଟିିଭି ଭାରତ, ନୟାଗଡ଼
