ନୟାଗଡ: ଜିଲ୍ଲା ପ୍ରଶାସନ ଗତକାଲି(ରବିବାର) ନୟାଗଡରେ ଆୟୋଜିତ କରିଥିଲା ବିଶାଳ ସ୍ୱାସ୍ଥ୍ୟସେବା ଶିବିର । ଏଥିରେ ଜିଲ୍ଲାର କୋଣଅନୁକୋଣରୁ ଲୋକେ ସାମିଲ ହୋଇ ସେବା ପାଇଥିଲେ । ମାତ୍ର ଏହାକୁ ନୟାଗଡ଼ କଂଗ୍ରେସ ସମାଲୋଚନା କରିଛି । ଶିବିରରେ ବ୍ୟାପକ ଅବ୍ୟବସ୍ଥା ନେଇ ନୟାଗଡ କଂଗ୍ରେସ ଅଭିଯୋଗ କରିଛି । ଏନେଇ ନୟାଗଡ କଂଗ୍ରେସ ପକ୍ଷରୁ ପ୍ରେସବାର୍ତ୍ତା ଜାରି କରାଯିବା ସହ ନୟାଗଡ କଂଗ୍ରେସ ସଭାପତି ରଞ୍ଜିତ ଦାସ ସମାଲୋଚନା କରିଥିଲେ ।
ନୟାଗଡରେ ଇଫକୋ ସମେତ ଅନ୍ୟାନ୍ୟ ସାର କମ୍ପାନୀ ପ୍ରାୟୋଜିତ ମେଗା ସ୍ୱାସ୍ଥ୍ୟ ଶିବିରରେ ଚିକିତ୍ସା କମ ରେଫର ବେଶୀ କରାଯାଇ ଆମ୍ରି ଆପୋଲୋ କେୟାର ହସ୍ପିଟାଲ ପାଇଁ ଅଭିନବ ମାର୍କେଟିଂ କରାଯାଇଥିବା ଜିଲ୍ଲା କଂଗ୍ରେସ ସଭାପତି ଆଇନଜୀବୀ ରଞ୍ଜିତ ଦାସ କହିଛନ୍ତି । ବହୁ ଆଶା ନେଇ ବିଭିନ୍ନ ରୋଗରେ ଆକ୍ରାନ୍ତଙ୍କ ପାଇଁ ରୋଗନିଦାନ ତତ୍ତ୍ୱ ଅନୁସାରେ ରୋଗ ନିରୂପଣ ପାଇଁ କୌଣସି ଯାନ୍ତ୍ରିକ ସରଞ୍ଜାମ ବ୍ୟବହାର କରାନଯାଇ କେବଳ ପ୍ରେସକ୍ରିପସନ ଦିଆଯିବା ସହିତ ଭୁବନେଶ୍ୱର ଯାଇ ଟେଷ୍ଟ କରିବା ପାଇଁ ପରାମର୍ଶ ଦିଆଯାଇଥିଲା । ଯାହାକି ପ୍ରଚାର ସର୍ବସ୍ବ ଲୋକ ଦେଖାଣିଆ କାର୍ଯ୍ୟକ୍ରମ ହୋଇଥିବା ଜିଲ୍ଲା କଂଗ୍ରେସ କହିଛି ।
ନୟାଗଡରୁ ଜୟେନ୍ଦ୍ର ବେହେରା, ଇଟିଭି ଭାରତ
