ନୟାଗଡ଼: ଭାପୁର ବ୍ଲକରେ ନୂତନ ବିଡ଼ିଓ ଭାବେ ଯୋଗ ଦେଇଥିବା ଆଶିଷ କୁମାର ତ୍ରିପାଠୀଙ୍କୁ ନେଇ ଚର୍ଚ୍ଚା ଜୋର ଧରିଚି । ସରକାରୀ ଯୋଜନାରେ ସୁବିଧା ପାଇବାକୁ ହେଲେ ଲାଞ୍ଚ ନ ଦେବାକୁ ବୁଲାଇଲେ ସଚେତନ ରଥ । ସରକାରୀ କର୍ମଚାରୀ ଲାଞ୍ଚ ନେଲେ ଦୃଢ଼ କାର୍ଯ୍ୟାନୁଷ୍ଠାନ ନେବେ ବିଡ଼ିଓ ।
ଲାଞ୍ଚ ନନେବା ପାଇଁ ଗଡାଇଲେ ସଚେତନତା ରଥ
ନୟାଗଡ଼ ଜିଲ୍ଲାର 8ଟି ବ୍ଲକ ମଧ୍ୟରୁ ଭାପୁର ବ୍ଲକରେ ସବୁଠାରୁ ଅଧିକ ଦୁର୍ନୀତି ହୋଇଥିବା ଅଭିଯୋଗ ହୋଇଛି । ମନରେଗାରେ ଏହି ବ୍ଲକ ସବୁଠାରୁ ଆଗରେ ଥିବାବେଳେ ଦୁର୍ନୀତିରେ ମଧ୍ୟ ଆଗରେ ରହିଛି । କୂଅ, ପୋଖରୀ, ଡ୍ରେନ, ରାସ୍ତା ନିର୍ମାଣରେ ବ୍ୟାପକ ଦୁର୍ନୀତି ହୋଇଛି । ପକ୍କାଘର ଠାରୁ ଆରମ୍ଭ କରି ଆବାସ ଯୋଜନା ଭଳି ସରକାରୀ ଯୋଜନାରେ ସୁବିଧା ପାଇବାକୁ ହେଲେ ଲାଞ୍ଚ ଦେବାକୁ ପଡୁଛି ।