ଭିଡ଼ିଓ କନଫରେନ୍ସିଂରେ ଜାତୀୟ ପ୍ରେସ ଦିବସ ପାଳିତ

ଭିଡିଓ କନଫରେନସିଂ ମାଧ୍ୟମରେ ଅନୁଷ୍ଠିତ ହୋଇଯାଇଛି ନୟାଗଡ଼ରେ ଜିଲ୍ଲାସ୍ତରୀୟ ଜାତୀୟ ପ୍ରେସ ଦିବସ । ଏଥିରେ ମୁଖ୍ୟଅତିଥି ଭାବେ ଜିଲ୍ଲାପାଳ ଡ଼ଃ ପୋମା ଟୁଡୁ ଯୋଗ ଦେଇଥିଲେ l ଅଧିକ ପଢନ୍ତୁ...

ନୟାଗଡ଼: ଭିଡିଓ କନଫରେନ୍ସିଂ ମାଧ୍ୟମରେ ଅନୁଷ୍ଠିତ ହୋଇଯାଇଛି ନୟାଗଡ଼ରେ ଜିଲ୍ଲାସ୍ତରୀୟ ଜାତୀୟ ପ୍ରେସ ଦିବସ । ଅପରାହ୍ମ ୪ ଘଟିକା ୩୦ମି. ସମୟରେ ଜୁମ ଆପ ମାଧ୍ୟମରେ ଏକ ଭର୍ଚୁଆଲ ମିଟିଙ୍ଗରେ ଆଲୋଚନା ଚକ୍ର ଅନୁଷ୍ଠିତ ହୋଇଯାଇଛି l ଏଥିରେ ମୁଖ୍ୟଅତିଥି ଭାବେ ଜିଲ୍ଲାପାଳ ଡ଼ଃ ପୋମା ଟୁଡୁ ଯୋଗ ଦେଇଥିଲେ l ସମ୍ମାନିତ ଅତିଥିଭାବେ ବହୁ ଜିଲ୍ଲା ସ୍ତରୀୟ ଅଧିକାରୀ ମଧ୍ୟ ଯୋଗଦେଇଥିଲେ l

ତେବେ ଏହି ଦିବସରେ " କୋଭିଡ଼ ମହାମାରୀ ସମୟରେ ଗଣମାଧ୍ୟମର ଭୂମିକା ଏବଂ ପ୍ରଭାବ " ଉପରେ ବିଷଦ ଆଲୋଚନା ହୋଇଥିଲା । ଜିଲ୍ଲା ସୂଚନା ଓ ଲୋକ ସଂପର୍କ ଅଧିକାରୀ ଡ଼ ପ୍ରମୋଦ କୁମାର ପଟ୍ଟନାୟକ ଏହାର ପରିଚାଳନା କରିଥିଲେ ।

ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ