ନୟାଗଡ଼: ଆସୁଛି ପଞ୍ଚାୟତ ନିର୍ବାଚନ(Odisha Panchayat Election) । ଏଥିପାଇଁ ବିଭିନ୍ନ ସ୍ଥାନରେ ଆରମ୍ଭ ହୋଇଗଲାଣି ମିଶ୍ରଣ ପର୍ବ ସାଙ୍ଗକୁ ଦଳ ଡିଆଁ କାର୍ଯ୍ୟକ୍ରମ । ଏହି ପରିପ୍ରେକ୍ଷୀରେ ନୟାଗଡର ଶତାଧିକ BJD କର୍ମୀ BJP ରେ ଯୋଗଦେଇଛନ୍ତି ।
ନୟାଗଡ଼ ଜିଲ୍ଲା ନାଟୁଗାଁ ଗ୍ରାମପଞ୍ଚାୟତରେ BJP ପକ୍ଷରୁ ଆୟୋଜିତ ମିଶ୍ରଣ ପର୍ବରେ ଶତାଧିକ ବିଜେଡ଼ି କର୍ମୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନୀତି ଆଦର୍ଶରେ ଅନୁପ୍ରାଣିତ ହୋଇ BJP ରେ ସାମିଲ ହୋଇଥିବା କହିଛନ୍ତି । ଏହି ମିଶ୍ରଣ ପର୍ବରେ ସ୍ଥାନୀୟ ଯୁବ ନେତା ବିନୋଦ କୁମାର ନାୟକଙ୍କ ନେତୃତ୍ୱରେ BJP ରେ ଶତାଧିକ ସ୍ଥାନୀୟ ଲୋକେ ସାମିଲ ହୋଇ ଥିବାବେଳେ ରାଜ୍ୟ BJP ମହିଳା ମୋର୍ଚ୍ଚା ସଭାନେତ୍ରୀ ସ୍ମୃତି ପଟ୍ଟନାୟକ, ନୟାଗଡ଼ BJP ନେତ୍ରୀ ଇରାନୀ ରାୟ, ନୟାଗଡ଼ ମହିଳା ମୋର୍ଚ୍ଚା ସଭାନେତ୍ରୀ ଅର୍ଚ୍ଚନା ଦାଶ ଓ BJP ଯୁବମୋର୍ଚ୍ଚା ସଭାପତି ପୃଥ୍ଵୀରାଜ ଦଳବେହେରା ପ୍ରମୁଖ ଉତ୍ତରୀୟ ଓ ଫୁଲତୋଡ଼ା ଦେଇ କର୍ମୀମାନଙ୍କୁ ସ୍ୱାଗତ କରିଛନ୍ତି ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
