ନୟାଗଡ: ଜିଲ୍ଲା ଗଣିଆ ଥାନା ଅନ୍ତର୍ଗତ ଛାମୁଣ୍ଡିଆ ଗ୍ରାମ ପଞ୍ଚାୟତ ହରିପୁର ଗ୍ରାମରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି । ଗ୍ରାମର ଜଣେ ଷଷ୍ଠ ଶ୍ରେଣୀର ଛାତ୍ର ପୋଖରୀରେ ବୁଡି ପ୍ରାଣ ହରାଇଥିବା ଜଣାପଡିଛି l
ପୋଖରୀରେ ବୁଡି ନାବାଳକ ମୃତ
ପୋଖରୀରେ ବୁଡି ଷଷ୍ଠ ଶ୍ରେଣୀ ଛାତ୍ର ମୃତ - ନୟାଗଡରେ ପାଣିରେ ବୁଡି ନାବାଳକ ମୃତ
ନୟାଗଡ ଜିଲ୍ଲା ହରିପୁର ଗ୍ରାମ ପଞ୍ଚାୟତର ଜଣେ ଷଷ୍ଠ ଶ୍ରେଣୀର ଛାତ୍ର ମୃତ । ଅଧିକ ପଢନ୍ତୁ....
ପ୍ରତିକାତ୍ମକ ଚିତ୍ର
ନାବାଳକ ଜଣକ ହରିପୁର ଗ୍ରାମର ସପନ ମହାନ୍ତିଙ୍କ ସାନପୁଅ ବିଶାଲ ରାଜ ମହାନ୍ତି(12) । ସୂଚନା ଅନୁଯାୟୀ ବିଶାଲ ଆଜି(ମଙ୍ଗଳବାର) ସାଙ୍ଗମାନଙ୍କ ସହ ପୋଖରୀକୁ ଗାଧୋଇବାକୁ ଯାଇଥିଲେ । ମାତ୍ର ସେଠାରୁ ଆଉ ଘରକୁ ଫେରିନଥିଲେ । ପରିବାର ଲୋକେ ବହୁ ଖୋଜାଖୋଜି କରିବା ପରେ ସେହି ଗ୍ରାମର ଅନନ୍ତ ବେହେରାଙ୍କ ପୋଖରୀରୁ ବିଶାଲକୁ ଉଦ୍ଧାର କରି ଗଣିଆ ଗୋଷୀଠି ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ । ହେଲେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଛନ୍ତି । ବିଶାଲର ମୃତ୍ୟୁକୁ ନେଇ ସମଗ୍ର ଅଞ୍ଚଳରେ ଶୋକର ଛାୟା ଖେଳି ଯାଇଛି ।
ନୟାଗଡରୁ ଜୟେନ୍ଦ୍ର ବେହେରା, ଇଟିଭି ଭାରତ