ନୟାଗଡ଼: ଖୁସି ମନାଇବାକୁ ଯାଇ ନୟାଗଡରେ କୋରୋନାକୁ ନିମନ୍ତ୍ରଣ । ଖୋଦ ଉଚ୍ଚଶିକ୍ଷା ଓ କୃଷି ମନ୍ତ୍ରୀ ତଥା ନୟାଗଡ ବିଧାୟକ ଅରୁଣ ସାହୁ ସାମିଲ ହୋଇ କୋରୋନାକୁ ନିମନ୍ତ୍ରଣ କରୁଥିବା ଦେଖିବାକୁ ମିଳିଛି । ମୁଖ୍ଯମନ୍ତ୍ରୀ ଇଣ୍ଡୋର ଷ୍ଟାଡିୟମ ପାଇଁ ଅର୍ଥ ମଞ୍ଜୁର କରିବା ପରେ ନୟାଗଡରେ ଅନୁଷ୍ଠିତ ଏକ ଧନ୍ୟବାଦ ସଭାରେ କୋରୋନା ନିୟମକୁ ଫୁ ।
କୋଭିଡ ନିୟମର ଧଜିଆ ଉଡାଇଲେ ମନ୍ତ୍ରୀ ଅରୁଣ ସାହୁ, ଶତାଧିକ ଲୋକଙ୍କୁ ଏକାଠି କଲେ
ନୟାଗଡ଼ ମ୍ୟୁନିସପାଲଟି ଅଞ୍ଚଳରେ ଏକ ଇନଡୋର୍ ଷ୍ଟାଡିୟମ ପାଇଁ 10 କୋଟି ଟଙ୍କା ମଞ୍ଜୁର ହେବା ପରେ ଶତାଧିକ ଦଳୀୟ କର୍ମୀଙ୍କୁ ଏକାଠି କରି ମୁଖ୍ୟମନ୍ତ୍ରୀଙ୍କ ଜୟଗାନ କରାଇଛନ୍ତି ମନ୍ତ୍ରୀ ଅରୁଣ ସାହୁ । ସଭାରେ ସାମାଜିକ ଦୂରତାକୁ କାହାରି ଖାତିର ନ ଥିବାବେଳେ କେତେକ ମାସ୍କ ପିନ୍ଧିଛନ୍ତି ତ ଆଉ କେତେକ ପିନ୍ଧିନଥିବା ଦେଖିବାକୁ ମିଳିଛି । ତେବେ ସାଧାରଣ ଲୋକ ମାସ୍କ ନପିନ୍ଧିଲେ ପୋଲିସ ମୋଟା ଅଙ୍କର ଫାଇନ ଆଦାୟ କରିବା ସହ କଡା କାର୍ଯ୍ୟାନୁଷ୍ଠାନ ଗ୍ରହଣ କରୁଛି । ଏଠାରେ କାର୍ଯ୍ୟାନୁଷ୍ଠାନ କେବେ ବୋଲି ପ୍ରଶ୍ନବାଚୀ ସୃଷ୍ଟି ହୋଇଛି ।