ନୟାଗଡ଼ : ବଢ଼ି ନଦୀରେ ଭାସିଯାଇ ଜଣଙ୍କ ମୃତ୍ୟୁ । ନୟାଗଡ଼ ଜିଲ୍ଲା ଦଶପଲ୍ଲା ବାଣୀଗୋଛା ଥାନା ଅନ୍ତର୍ଗତ ଗୁଣ୍ଡୁରୀବାରୀ ଗାଁରେ ଘଟିଛି ଏଭଳି ଘଟଣା l ଗ୍ରାମର ଉଦ୍ୟନାଥ ଜାନୀ ଗତକାଲି ଅପରାହ୍ନରେ ନିକଟସ୍ଥ ବୃତ୍ତଙ୍ଗ ନଦୀକୁ ଗାଧୋଇବାକୁ ଯାଇଥିଲେ । ସେହି ସମୟର ନଦୀର ପ୍ରଖର ସୁଅରେ ସେ ଭାସି ଯାଇଥିଲେ ।
ସୂଚନା ଅନୁସାରେ, ଖବରପାଇ ଗ୍ରାମବାସୀ ଓ ଆତ୍ମୀୟ ସ୍ବଜନ ଗତକାଲି ରାତିସାରା ଖୋଜାଖୋଜି କରିଥିଲେ । ତେବେ ଆଜି ତାଙ୍କ ମୃତଦେହ ନିକଟସ୍ଥ ଚିନାକଟା ଘାଟଠାରେ ଭାସୁଥିବା ଅବସ୍ଥାରେ ଠାବ କରାଯାଇଛି । ମଧ୍ୟାହ୍ନରେ ବହୁ କଷ୍ଟରେ ଗ୍ରାମବାସୀମାନେ ମୃତଦେହକୁ ଉଦ୍ଧାର କରିଥିଲେ । ମୃତ ଉଦ୍ୟନାଥ ଜଣେ ମେଳାପୀ ବ୍ୟକ୍ତି ହୋଇଥିବାରୁ ତାଙ୍କ ମୃତ୍ୟୁରେ ସ୍ଥାନିୟ ଅଞ୍ଚଳରେ ଶୋକର ଛାୟା ଖେଳିଯାଇଛି । ପ୍ରତିବର୍ଷ ଖରସ୍ରୋତା ବୃତ୍ତଙ୍ଗ ନଦୀରେ ଭାସିଯାଇ ଅନେକ ବ୍ୟକ୍ତିଙ୍କର ପ୍ରାଣହାନି ଘଟୁଛି l ଚଳିତ ବର୍ଷ ମଧ୍ୟ ନଦୀରେ ଜଳସ୍ତର ବୃଦ୍ଧି ଯୋଗୁଁ ଏପରି ଘଟଣା ଘଟିବା ଦେଖିବାକୁ ମିଳିଛି ।
ଇଟିଭି ଭାରତ, ନୟାଗଡ