ନୟାଗଡ଼: ଭୁଜାଲିରେ ହାଣି ବେପାରୀଙ୍କ ଠାରୁ ୫୦ହଜାର ଲୁଟିନେଲେ ଦୁର୍ବୃତ୍ତ । ନୟାଗଡ଼ ଜିଲ୍ଲା ଚାନ୍ଦପୁର ଥାନା ଅନ୍ତର୍ଗତ ଚମ୍ପାପେଡି ଗ୍ରାମ ନିକଟରେ ବିଳମ୍ବିତ ରାତିରେ ଜଣେ ବ୍ୟବସାୟୀଙ୍କଠାରୁ ଦୁର୍ବୃତ୍ତମାନେ ଭୁଜାଲିରେ ମରଣାତ୍ମକ ଆକ୍ରମଣ କରି ପଚାଶ ହଜାର ଟଙ୍କା ଲୁଟି ନେଇଛନ୍ତି l ଲୁଟର ଶୀକାର ହୋଇଥିବା ଯୁବକ ଜଣଙ୍କ ହେଲେ ଚମ୍ପାପେଡି ଗ୍ରାମର 33ବର୍ଷୀୟ ପର୍ଶୁରାମ ପାଇକରାୟ l
ଭୁଜାଲିରେ ହାଣି ବେପାରୀଙ୍କଠୁ ୫୦ହଜାର ଲୁଟ୍
ସୂଚନା ଅନୁସାରେ ନୟାଗଡରୁ ବ୍ୟବସାୟ ସାରି ଵାଇକ ଯୋଗେ ଘରକୁ ଫେରୁଥିବା ବେଳେ ଚମ୍ପାପେଡି ଗାଁ ନିକଟରେ ତାଙ୍କୁ ଦୁଇଜଣ ଯୁବକ ବାଇକରେ ଆସି ଅଟକାଇ ଥିଲେ l ପରେ ଭୁଜାଲି ଦେଖାଇ ଧମକାଇବା ସହ ଟଙ୍କା ମାଗିଥିଲେ l ମାତ୍ର ପର୍ଶୁରାମ ଲୁଟେରାଙ୍କୁ ଭୟ ନକରି ଟଙ୍କା ନଦେବାରୁ ଲୁଟେରା ପର୍ଶୁରାମଙ୍କ ବେକକୁ ଭୁଜାଲିରେ ମରଣାତ୍ମକ ଆକ୍ରମଣ କରିଥିଲେ l ଫଳରେ ପର୍ଶୁରାମ ତଳେ ପଡି ଯିବାରୁ ଲୁଟେରା ଦ୍ବୟ ୫୦ ହଜାର ଟଙ୍କା ସହ ବ୍ୟାଗ ଛଡେଇ ନେଇ ବାଇକରେ ଚାନ୍ଦପୁର ଆଡକୁ ପଳାଇ ଯାଇଥିଲେ।