ନୟାଗଡ଼ :ଜଣେ ଲାଇନମ୍ୟାନଙ୍କୁ ରାସ୍ତା ଉପରେ ନିସ୍ତୁକ ପିଟିଲେ ମହିଳା । ଟଙ୍କା ନେଣ ଦେଣକୁ ନେଇ ରାସ୍ତା ଉପରେ ଦେଖିବାକୁ ମିଳିଛି ଏପରି ହାଇଡ୍ରାମା । ତେବେ ଘଟଣା କେବଳ ରାସ୍ତା ଉପରେ ସୀମିତ ନାହିଁ ବରଂ ପହଞ୍ଚିଛି ଥାନାରେ । ଘଟଣାଟି ଘଟିଛି ନୟାଗଡ଼ ଜିଲ୍ଲା ରାଜସୁନାଖଳା ଅଞ୍ଚଳରେ ।
ମିଳିଥିବା ସୂଚନା ଅନୁସାରେ ରାଜସୁନାଖଳା ବିଦ୍ୟୁତ ଷ୍ଟେସନର ଲାଇନମ୍ୟାନ ଭାବେ କାର୍ଯ୍ୟରତ ବାଳକୃଷ୍ଣ ରାଉତ ତାଙ୍କ ଝିଅ ବାହାଘର ପାଇଁ ତାଙ୍କ ପଡୋଶୀ ଶାନ୍ତିଲତା ରଗଡ଼ଙ୍କ ଠାରୁ 2 ଲକ୍ଷ 32 ହଜାର ଟଙ୍କା ଉଧାର ନେଇଥିଲେ । ତେବେ ବାଳକୃଷ୍ଣଙ୍କ କହିବାର କଥା ହେଉଛି ସେ ନିୟମିତ ଶାନ୍ତିଲତାଙ୍କୁ ସୁଧ ଟଙ୍କା ଦେଇ ଆସୁଥିଲେ । ମାତ୍ର ଗତକାଲି ବାଳକୃଷ୍ଣ ରାଜସୁନାଖଳାର ଏକ ଟ୍ରାକ୍ଟର ସୋରୁମକୁ ବିଦ୍ୟୁତ ସଂଯୋଗ ଦେବାପାଇଁ କାମ କରୁଥିବାବେଳେ ହଠାତ ସେଠାରେ ଶାନ୍ତିଲତା ପହଞ୍ଚିଥିଲେ । ସେଠାରେ ବାଳକୃଷ୍ଣଙ୍କୁ ଶାନ୍ତିଲତା ମାଡ଼ ମାରିବା ସହ ଘୋଷାଡି ଘୋଷାଡି ରାଜସୁନାଖଳା ଫାଣ୍ଡିକୁ ନେଇଥିଲେ l ତେବେ ଥାନାରେ ଉଭୟ ପକ୍ଷ ଲିଖିତ ଅଭିଯୋଗ କରି ନଥିବା କହିଛନ୍ତି ଫାଣ୍ଡି ଅଧିକାରୀ ଭୀମସେନ ମଲ୍ଲିକ ।
ନୟାଗଡରୁ ଜୟେନ୍ଦ୍ର ବେହେରା , ଇଟିଭି ଭାରତ
