ନୟାଗଡ଼ : ଯଦୁପୁର ନାବାଳିକା ହତ୍ୟା ଘଟଣାରେ ନୂଆ ଭିଡିଓ ଭାଇରାଲ । ଏହାକୁ ନେଇ ଚାରିଆଡେ ହଇଚଇ । ସୋସିଆଲ ମିଡ଼ିଆରେ ଘୁରି ବୁଲୁଛି ପରିବାରକୁ ସମବେଦନା ଆଳରେ ତଥାକଥିତ ସମାଜସେବୀଙ୍କ ଉସୁକାଇବାର ଷଡଯନ୍ତ୍ର । ଫେସବୁକରେ ଲାଇଭ କରି ଏଭଳି ଭିଡ଼ିଓ ପୋଷ୍ଟ କରିବା ପଛର ରହସ୍ୟକୁ ନେଇ ସୃଷ୍ଟି ହୋଇଛି ପ୍ରଶ୍ନବାଚୀ ।
ଯଦୁପୁର ନାବାଳିକା ହତ୍ୟା ମାମଲା : ଭାଇରାଲ ହେଲା ଆଉ ଏକ ଭିଡ଼ିଓ
ଗତ ବୁଧବାର ନୟାଗଡ଼ର ତଥାକଥିତ ସମାଜସେବୀ ଜଣକ ଯଦୁପୁରର ମୃତ ନାବାଳିକା ଘରେ ବାପା ଅଶୋକ ସାହୁ ଓ ମାଆ ସୈଦାମିନୀଙ୍କୁ ବସାଇ ଫେସବୁକ୍ ଲାଇଭ୍ କରିବାକୁ ଯାଇଥିବା କୁହାଯାଉଛି l ସେମାନଙ୍କ ଅଜାଣତରେ ଲାଇଭ୍ ଓ ରେକଡିଂ ହୋଇଯାଇଥିବା କୁହାଯାଇଛି । ଏହି ସମାଜସେବୀ ଜଣକ ନାବାଳିକା ନ୍ୟାୟ ପାଇଁ ଲଢ଼େଇ କରିଆସୁଛନ୍ତି । ଏହି ଭାଇରାଲ ଭିଡ଼ିଓରେ ମୃତ ନାବାଳିକା ପାଇଁ ନ୍ୟାୟ ମାଗିବା ପଛର କାହାଣୀ ଆଲୋଚନା ହୋଇଛି ।