ନୟାଗଡ଼: ଜିଲ୍ଲାରେ ଦିନକୁ ଦିନ ବଢିବାରେ ଲାଗିଛି ଭ୍ରୁଣ ହତ୍ୟା ଓ ବାଲ୍ୟ ବିବାହ । 2008 ମସିହା, 2016 ଏବଂ 2021 ମସିହାରେ କନ୍ୟା ଭ୍ରୁଣ ହତ୍ୟା ପାଇଁ ଵି ଚର୍ଚ୍ଚାର ବିଷୟ ପାଲଟିଥିଲା । ତେବେ ଦୀର୍ଘ ଦିନ ବ୍ୟବଧାନରେ ପୁଣି ଭ୍ରୁଣ ହତ୍ୟା ଅଭିଯୋଗ ନୟାଗଡରୁ ଆସିଛି । ଜିଲ୍ଲା ମୁଖ୍ୟ ଚିକିତ୍ସାଳୟ ପଛରେ ଥିବା ଏକ ଘରୋଇ କ୍ଲିନିକରେ ଚଢାଉ କରିଥିଲା ପୋଲିସ l
ଥମୁନି ଭ୍ରୁଣ ହତ୍ୟା ; କ୍ଲିନିକ ମାଲିକଙ୍କ ସମେତ ୫ ଜଣଙ୍କୁ ବାନ୍ଧିଲା ପୋଲିସ
ଫଳରେ କ୍ଲିନିକ ମାଲିକଙ୍କ ସମେତ ମୋଟ ୫ ଜଣଙ୍କୁ ଗିରଫ କରିଛି ପୋଲିସ । ଗିରଫଙ୍କ ମଧ୍ୟରେ କ୍ଲିନିକ ମାଲିକ, ଦଲାଲ, ଦୁଇ ଜଣ ନର୍ସଙ୍କ ସମେତ ଗର୍ଭପାତରେ ସମ୍ପୃକ୍ତ ଥିବା ମହିଳାଙ୍କ ସ୍ୱାମୀ ଗଣେଶ ପ୍ରଧାନଙ୍କୁ ଗିରଫ କରାଯାଇଛି l ଗିରଫ 5ଜଣଙ୍କୁ ପୋଲିସ କୋର୍ଟ ଚାଲାଣ କରିଛି l ନୟାଗଡ଼ ପୋଲିସର ସ୍ପେସାଲ ସ୍କ୍ବାର୍ଡ ଏବଂ ଟାଉନ ଥାନା ପୋଲିସ ମିଳିତ ଚଢ଼ାଉ କରିଥିଲା । ବୁଧବାର ଟାଉନ ଥାନା ପୋଲିସ ପୁଣି ଥରେ କ୍ଲିନିକ ଉପରେ ଚଢ଼ାଉ କରି ନଷ୍ଟ କରାଯାଇଥିବା ଭ୍ରୁଣକୁ ଟାଙ୍କି ମଧ୍ୟରୁ ବାହାର କରିଥିଲା l