ନୟାଗଡ଼: ଚାଷୀଙ୍କୁ ମିଳୁନି ସାର କିନ୍ତୁ ଚାଲିଛି କଳାବଜାରୀ । ଏହାକୁ ନେଇ ନୟାଗଡ଼ ଜିଲ୍ଲା ରଣପୁରରେ ଚାଷୀ ରାସ୍ତାରୋକ କରିଛନ୍ତି l ଫଳରେ ରଣପୁର-ନୟାଗଡ଼ ଜଗନ୍ନାଥ ସଡ଼କରେ ଗାଡ଼ିମୋଟର ଯାତାୟାତ ବାଧାପ୍ରାପ୍ତ ହୋଇଥିଲା l
ରଣପୁରରେ ସାର ନ ମିଳିବାରୁ ରାସ୍ତାରୋକ କଲେ ଶତାଧିକ ଚାଷୀ
ସକାଳ 10 ଘଟିକା ସମୟରେ ରଣପୁର ସାର ବିକ୍ରୟ କେନ୍ଦ୍ରରୁ ସାର ନେବା ପାଇଁ ଆସିଥିଲେ ଶହ ଶହ ଚାଷୀ l କିଏ ରାତି ଅଧରୁ ଲାଇନ କରି ଛିଡ଼ା ହୋଇଥିଲେ ତ ପୁଣି କିଏ ସକାଳୁ ଆସି ସାର ନେବା ପାଇଁ ଲାଇନରେ ଛିଡ଼ା ହୋଇଥିଲେ । କିନ୍ତୁ ସାର ମିଳିବା ତ ଦୂରର କଥା ସାର ବିକ୍ରୟ କେନ୍ଦ୍ରର ଗେଟ ଖୋଲି ନଥିଲା କି କର୍ମଚାରୀଙ୍କ ଦେଖା ମିଳିନଥିଲା l