ନୟାଗଡ଼:ଜିଲ୍ଲା ରଣପୁର ଅଞ୍ଚଳର ବିଭିନ୍ନ ପାହାଡ଼ରେ ପୋଲିସ ଚଢ଼ାଉ କରି ଲକ୍ଷାଧିକ ଟଙ୍କାର ବିପୁଳ ପରିମାଣର ବିସ୍ଫୋରକ ସାମଗ୍ରୀ ଜବତ କରିଛି । ଏହାସହ 16 ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି l ଏଥିସହ 15 ଟି ଗାଡିକୁ ଜବତ କରାଯାଇଛି l ରଣପୁର ଥାନା ଅଧୀନ କୋଟଗଡ଼ ଏବଂ କୋଇଲିମା ଅଞ୍ଚଳରେ ବେଆଇନ ଭାବେ ବ୍ଲାଷ୍ଟିଙ୍ଗ କରି କୋଟି କୋଟି ଟଙ୍କାର ରାଜସ୍ୱ ଲୁଟୁଥିଲେ ଖଣି ମାଫିଆ l
ଲକ୍ଷାଧିକ ଟଙ୍କାର ବିପୁଳ ବିସ୍ପୋରକ ସାମଗ୍ରୀ ଜବତ : 16 ଗିରଫ ଏନେଇ ସ୍ଥାନୀୟ ଅଞ୍ଚଳବାସୀ ପ୍ରଶାସନ ନିକଟରେ ବାରମ୍ବାର ଅଭିଯୋଗ କରିଆସୁଛନ୍ତି l ରଣପୁର ଥାନାର ଅସ୍ଥାୟୀ ଭାବେ ଥାନା ନିରୀକ୍ଷକ ଦାୟିତ୍ୱରେ ଥିବା ରଶ୍ମି ରଞ୍ଜନ ଦାସ ଏକାଧିକ ପାହାଡ଼ରେ ଚଢ଼ାଉ କରି ବ୍ଲାଷ୍ଟିଂ ପାଇଁ ଉଦ୍ଧିଷ୍ଟ ଥିବା ସାମଗ୍ରୀକୁ ଜବତ କରିଥିଲେ l ଏହାସହ 16 ଜଣଙ୍କୁ ଗିରଫ କରିଥିଲେ l 7ଟି ଟ୍ରାକ୍ଟର,7ଟି କ୍ରସର ଏବଂ ଗୋଟିଏ ମଲ୍ଟି କମ୍ପ୍ରେସର ମିଶାଇ ମୋଟ 15 ଟି ଗାଡି ଜବତ କରାଯାଇଛି ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
