ନୟାଗଡ଼: ଏ ହେଉଛନ୍ତି ପାଣୁ ମହାପାତ୍ର, ବୟସ 42 l ଘର ନୟାଗଡ଼ ଜିଲ୍ଲା ରଣପୁର ସୁଆଁସିଆରେ l ପାଣୁ ଏବେ କେଉଁ ରୋଗରେ ପଡ଼ି ଛଟପଟ ହେଉଛନ୍ତି ତାହା ସେ ବି ଜାଣିନାହାଁନ୍ତି l କେଉଁଥି ପାଇଁ ସେ ଦିନକୁ ଦିନ ଦୁର୍ବଳ ହେବା ସହ ପତଳା ହୋଇଯାଉଛନ୍ତି ତାହା କେହି କହିପାରୁନାହାନ୍ତି l
ରୋଗ ଏମିତି ପ୍ରଭାବିତ କରିଛି ଯେ ଚାଲିବା ତାଙ୍କ ପକ୍ଷେ କଷ୍ଟସାଧ୍ୟ ହୋଇ ପଡୁଛି l ରୋଗକୁ ମଧ୍ୟ ଚିହ୍ନି ପାରୁନାହାଁନ୍ତି ଡାକ୍ତର l ଫଳରେ ଅଜଣା ରୋଗରେ ପୀଡ଼ିତ ହୋଇ ଦିନକୁ ଦିନ ଅସୁସ୍ଥ ହୋଇପଡୁଛନ୍ତି ପାଣୁ l ତଥାପି ମନ ମାନୁନି l ଭଲ ହେବା ଆଶାରେ ଏ ମେଡ଼ିକାଲରୁ ସେ ମେଡିକାଲ ହୋଇ ଖର୍ଚ୍ଚାନ୍ତ ହେଲେଣି l
ଅଜଣା ରୋଗରେ ଆକ୍ରାନ୍ତ ପାଣୁ, ଅର୍ଥ ସାଜିଛି ବାଧକ
ଘରର ଏକମାତ୍ର ରୋଜଗାରିଆ ଲୋକ ଆଜି ଆର୍ଥିକ ଅନଟନରେ ଜୀବନ ବିତାଉଛନ୍ତି l ରୋଗ ଛଡାଇ ନେଇଛି ସୁନା ସଂସାରର ସୁଖ l ଘର ଚଳାଇବା ଭାରୀ କଷ୍ଟ ହେଉଛି l ପାଣୁ ଭୁବନେଶ୍ୱର କ୍ୟାପିଟାଲ ମେଡିକାଲରେ ତାନ୍ତକାଠି ବିକୁଥିଲେ l ସେଥିରୁ ଯେତିକି ରୋଜଗାର ହେଉଥିଲା ସେତିକିରେ ପରିବାର ଚଳିଯାଉଥିଲା l କିନ୍ତୁ ଏବେ ରୋଜଗାର ଶୂନ୍ୟ ପାଣୁ l