ନୟାଗଡ଼: କୃଷି ମନ୍ତ୍ରୀ ଅରୁଣ ସାହୁଙ୍କ(Agriculture Minister Arun Sahu) ଜିଲ୍ଲା ନୟାଗଡ଼ରେ କାନ୍ଦୁଛି ଚାଷୀ l ଆଣ୍ଠୁଏ ପାଣିରେ ଭାସୁଛି ସୁନାର ଫସଲ l ଏହାକୁ ଦେଖି କୋହ ସମ୍ଭାଳି ପାରୁନି ଚାଷୀ l ମୁଣ୍ଡ ଝାଳ ତୁଣ୍ଡରେ ମାରି ଚାଷୀ ସୁନାର ଫସଲ ଫଳାଇଥିଲା l କିନ୍ତୁ ସବୁ ଉଜାଡି ଦେଲା ବାତ୍ୟା ଜୱାଦ(Cyclone Jawad) l ଋଣ ଏବଂ ଧାରକରଜ କରି ଚାଷୀ ଧାନ ଚାଷ କରିଥିଲା l ହେଲେ ଧାନ ଅମଳ କରିବା ସମୟରେ ଧାନ ବିଲର ଏପରି ଅବସ୍ଥା ଦେଖି ନ କାନ୍ଦି ରହି ପାରୁନି ଚାଷୀ l ନୟାଗଡ଼ ଜିଲ୍ଲାରେ ହେକ୍ଟର ହେକ୍ଟର ଜମି ଏବେ ବି ପାଣିରେ ବୁଡି ରହିଛି l ଫଳରେ ସବୁ ଧାନ ନଷ୍ଟ ହୋଇଗଲାଣି l କେଉଁଠି ଧାନ ଗଜା ହେବା ଉପରେ l
ନୟାଗଡ଼ ଜିଲ୍ଲାରେ ଚଳିତ ବର୍ଷ ପ୍ରାୟ ଏକ ଲକ୍ଷ ହେକ୍ଟର ଜମିରେ ଧାନ ଚାଷ କରାଯାଇଛି l ସେଥିରୁ 23 ପ୍ରତିଶତ ଅମଳ ସରିଥିବା ବେଳେ 87 ପ୍ରତିଶତ ଅମଳ ହେବାକୁ ବାକି ରହିଛି l ଶନିବାର ସକାଳୁ ରବିବାର ସକାଳ ମଧ୍ୟରେ ନୟାଗଡ଼ ଜିଲ୍ଲାରେ ପ୍ରାୟ 24.05 ମିଲିଲିଟର ବର୍ଷା ହୋଇଛି l ନୟାଗଡ଼ ବ୍ଲକରେ ସର୍ବାଧିକ 64 ମିଲିଲିଟର ବର୍ଷା ହୋଇଥିବା ବେଳେ ଦଶପଲ୍ଲା ବ୍ଲକରେ ସର୍ବନିମ୍ନ 4 ମିଲିଲିଟର ବର୍ଷା ହୋଇଛି l ଏହାର ପ୍ରଭାବରେ ଧାନ ଫସଲ ସବୁ ନଷ୍ଟ ହୋଇଯାଇଛି l ଏନେଇ କୃଷି ଅଧିକାରୀମାନେ ଧାନ ନଷ୍ଟ ହେବା ନେଇ ଆକଳନ କରିଛନ୍ତି l