ନୟାଗଡ: ଲଘୁଚାପଜନିତ ବର୍ଷାରେ ବେହାଲ ହୋଇଛି ଜିଲ୍ଲାର ବିଭିନ୍ନ ଅଞ୍ଚଳ । ତେବେ ଜିଲ୍ଲାରେ ସର୍ବାଧିକ ବନ୍ୟାପ୍ରବଣ ଗ୍ରାମ କୁହାଯାଉଥିବା ଭାପୁର ବ୍ଲକ ଫତେଗଡ଼ ଗ୍ରାମପଞ୍ଚାୟତ ମଣିପୁର ଗ୍ରାମ ଆଜିକୁ 5 ଦିନ ହେବ ପାଣି ଘେରରେ ରହିଛି l ପ୍ରଭାବିତ ଲୋକଙ୍କ ବାରମ୍ବାର ଦାବି ପରେ ପ୍ରଶାସନ ପକ୍ଷରୁ ସେମାନଙ୍କ ଯାତାୟାତ ନିମନ୍ତେ ଏକ ଯନ୍ତ୍ରଚାଳିତ ବୋଟ ଯୋଗାଇ ଦିଆଯାଇଛି l
ମୌସୁମୀ ବର୍ଷାରେ ବେହାଲ ନୟାଗଡ ଜିଲ୍ଲା, ଗ୍ରାମବାସୀଙ୍କ ଯାତାୟତ ଠପ୍
ସେପଟେ କିଛି ଲୋକଙ୍କୁ ନେଇ ଡ଼ଙ୍ଗା ଆସିଥିଲେ ମଧ୍ୟ ପରବର୍ତ୍ତୀ ସମୟରେ ଏହା ହଠାତ ଅଚଳ ହୋଇପଡିଥିଲା l ଫଳରେ ଏହି ଗ୍ରାମବାସୀଙ୍କ ଦୁର୍ଦ୍ଦଶା ଦ୍ବିଗୁଣିତ ହୋଇପଡିଛି । ପରବର୍ତ୍ତୀ ସମୟରେ ବୋଟଟିକୁ ମରାମତି କରାଯାଇ ଲୋକଙ୍କୁ ସ୍ଥାନାନ୍ତରଣ କରାଯାଇଛି । ଏଥିରେ 5 ଟି ୱାର୍ଡକୁ ନେଇ ଗଠିତ ଏହି ଗାଁର ଲୋକସଂଖ୍ୟା 2233 । କାଳୀଗିରି ନଦୀରେ ବନ୍ୟା ଆସିବା ମାତ୍ରେ ଏହି ଗାଁ ଜଳବନ୍ଦୀ ହୋଇଯାଏ ଆଉ ମହାନଦୀରେ ଆସୁଥିବା ବନ୍ୟା ଯୋଗୁଁ ଏହି ଗ୍ରାମର ଅବସ୍ଥା ଆହୁରି ସଙ୍ଗୀନ ହୋଇପଡିଥିବା ଆଶଙ୍କା ରହିଛି l