ନୟାଗଡ଼: କୋରୋନା ଭଳି ମହାମାରୀକୁ ନେଇ ସମସ୍ତେ ଭୟଭୀତ l ଏପରି ଏକ ଅଦୃଶ୍ୟ ମହାମାରୀକୁ ମାତ୍ ଦେବା ପାଇଁ ମୁଖ୍ୟ ପନ୍ଥା ହେଉଛି ସଚେତନ ରହିବା । କେବଳ ସଚେତନତା ଅବଲମ୍ବନ କରିବା ସ୍ବାସ୍ଥ୍ୟ ବିଶେଷଜ୍ଞଙ୍କ ପରାମର୍ଶ କ୍ରମେ ମାସ୍କ, ସାନିଟାଇଜର ବ୍ୟବହାର ଏବଂ ସାମାଜିକ ଦୂରତା ଅବଲମ୍ବନ କରିବା ଦ୍ବାରା ହିଁ ଏହା ସମ୍ଭବ ହୋଇପାରିବ ।
ଗୀତଗାଇ ଲୋକଙ୍କୁ ସଚେତନ କରୁଛନ୍ତି ସ୍ୱାସ୍ଥ୍ୟ କର୍ମୀ
ଏଥିପାଇଁ ବଡ ବଡ ବିଶେଷଜ୍ଞଙ୍କ ଠାରୁ ଆରମ୍ଭ କରି ସାମାଜିକ କର୍ମୀ ଲୋକଙ୍କୁ ସଚେତନ କରୁଛନ୍ତି । ଏହି ସଚେତକଙ୍କ ତାଲିକାରେ ବର୍ତ୍ତମାନ ଯୋଡି ହୋଇଛନ୍ତି ଜଣେ ସ୍ବାସ୍ଥ୍ୟକର୍ମୀ ନାରାୟଣ ଶୁକ୍ଳା । ଗାଁ କୁ ଗାଁ ବୁଲି ଗୀତ ମାଧ୍ୟମରେ ଲୋକଙ୍କୁ ସଚେତନତା ବାର୍ତ୍ତା ବାଣ୍ଟୁଛନ୍ତି । ରାକମା ଗାଁରେ ଥିବା ଅଙ୍ଗନବାଡି କର୍ମୀଙ୍କୁ ସାଙ୍ଗରେ ନେଇ ଲୋକଙ୍କୁ ସଚେତନ କରାଉଛନ୍ତି ସେ । ସାମାଜିକ ଦୂରତା ନିୟମ ମାନିବା, ମାସ୍କ ପିନ୍ଧିବା ଏବଂ ସାନିଟାଇଜର ବ୍ୟବହାର ଫଳରେ ଆମେ କୋରୋନାକୁ ମାତ୍ ଦେଇପାରିବା ବୋଲି ଲୋକଙ୍କୁ ଗୀତ ମାଧ୍ୟମରେ ବୁଝାଉଛନ୍ତି ନାରାୟଣ ।