ନୟାଗଡ: ଜିଲ୍ଲା ଚାନ୍ଦପୁର ଥାନା କନ୍ଧନୟାଗଡ଼ ପଟାଖାଲ ନିକଟ କାଜୁ ଜଙ୍ଗଲରୁ ଜଣେ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଛି । ଯୁବକ ଜଣକ ହେଲେ କନ୍ଧନୟାଗଡ଼ ବରପାଟଣା ସାହିର ରାଜା କଳସ । ଏହା ଆତ୍ମହତ୍ୟା ନାଁ ହତ୍ୟା ଏ ନେଇ ସନ୍ଦେହ ସୃଷ୍ଟି ହୋଇଛି ।
ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର
ପରିବାର ଲୋକଙ୍କ କହିବାଅନୁସାରେ ରାଜା କିଛି ଦିନ ହେବ ଉଦାସ ରହୁଥିଲେ । ଦେହ ଭଲ ନାହିଁ କେଉଁଆଡେ ଯାଇ ପରିବେ ନାହିଁ ବୋଲି କହିଥିଲେ ରାଜା । ଦୁଇଦିନ ହେବ ଘରୁ କେଉଁ ଆଡେ ଚାଲିଯାଇଥିଲେ । ଘର ଲୋକ ବହୁତ ଖୋଜାଖୋଜି କରିଥିଲେ । ଏହାପରେ ସେ ରାଜାଙ୍କ ମୃତଦେହ ଏକ ଗଛରେ ଝୁଲୁଥିବା ଦେଖିବାକୁ ପାଇଥିଲେ ଘରଲୋକ । ଯୁବକ ଜଣକ ଆତ୍ମହତ୍ୟା କରିଛନ୍ତି ନାଁ ତାଙ୍କୁ ହତ୍ୟା କରାଯାଇଛି ସେ ନେଇ ସନ୍ଦେହ ବଢ଼ିବାରେ ଲାଗିଥିବା ବେଳେ ପରିବାର ଲୋକେ ହତ୍ୟା ଅଭିଯୋଗ ଆଣିଛନ୍ତି ।