ନୟାଗଡ଼:ନୟାଗଡ଼ ଟାଉନ ଥାନା ଅନ୍ତର୍ଗତ ହରିଜନ ସାହିରେ ଘଟିଛି ଅଭାବନୀୟ ଘଟଣା । ଜଣେ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର କରିଛି ପୋଲିସ । ମୃତକ ଜଣକ ହେଲେ ଅଶୋକ ନାୟକ । ତେବେ ଅଶୋକଙ୍କ ମୃତ୍ୟୁକୁ ନେଇ ସନ୍ଦେହ ଲାଗି ରହିଛି l ସବୁଦିନ ପରି ଶନିବାର ବିଳମ୍ବିତ ରାତିରେ ଅଶୋକ ଶୋଇଥିଲେ । ହେଲେ ସକାଳୁ କବାଟ ଖୋଲିନଥିଲେ । ପରେ ପରିବାର ଲୋକେ କବାଟ ବାଡେଇବାରୁ କବାଟ ଖୋଲିନଥିଲା । ଏନେଇ ସନ୍ଦେହ ହେବାରୁ ପରିବାର ଲୋକେ ପୋଲିସକୁ ଖବର ଦେଇଥିଲେ । ଖବରପାଇ ପୋଲିସ ଘଟଣାସ୍ଥଳରେ ପହଞ୍ଚି କବାଟ ଖୋଲି ଭିତରକୁ ପଶିଥିଲେ । ତେବେ ଘର ଭିତରେ ଯୁବକ ଜଣକ ଫ୍ୟାନରେ ଏକ ଗାମୁଛା ମାଧ୍ୟମରେ ବେକରେ ରଶି ଲଗାଇ ଝୁଲିପଡ଼ିଥିବା ଦେଖିବାକୁ ମିଳିଥିଲା ।
ତେବେ କେଉଁ କାରଣରୁ ସେ ଏଭଳି ଚରମ ନିଷ୍ପତ୍ତି ନେଇଛନ୍ତି ତାହା ଜଣାପଡ଼ିନାହିଁ । ଏ ସମ୍ପର୍କରେ ପରିବାର ଲୋକେ ମଧ୍ୟ କିଛି କହିନାହାନ୍ତି । ପରେ ପୋଲିସ ମୃତଦେହକୁ ଉଦ୍ଧାର କରି ଏହାର ତଦନ୍ତ କରୁଛି l ମୃତ୍ୟୁର କାରଣ ଆତ୍ମହତ୍ୟା କି ଅନ୍ୟ କିଛି ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ l ପୋଲିସ ମୃତଦେହକୁ ବ୍ୟବଚ୍ଛେଦ କରିବାକୁ ମେଡିକାଲ ପଠାଇଛି ।