ନନ୍ଦପୁର ଗାଁରେ ନିଆଁ; ଜଳିଗଲା 3 ବଖରା

ନୟାଗଡ଼ ବ୍ଲକ ଗମ୍ଭାରିଡ଼ିହି ପଞ୍ଚାୟତ ନନ୍ଦପୁର ଗାଁରେ ନିଆଁଲାଗି ଦୁଇ ପରିବାରର ତିନି ବଖରା ଘର ପୋଡି ଜଳି ପାଉଁଶ ହୋଇଯାଇଛି । ଅଧିକ ପଢନ୍ତୁ...

ନୟାଗଡ: ଜିଲ୍ଲା ଗମ୍ଭାରିଡ଼ିହି ପଞ୍ଚାୟତ ନନ୍ଦପୁର ଗାଁରେ ଅଗ୍ନିକାଣ୍ଡ । ନିଆଁରେ ଦୁଇଟି ପରିବାରର ତିନି ବଖରା ଘର ପୋଡି ଜଳି ପାଉଁଶ ହୋଇଛି ।

ସୂଚନାନୁସାରେ, ସୋମବାର ସକାଳେ ନନ୍ଦିପୁର ଗାଁର ଦୁତିକୃଷ୍ଣ ପ୍ରଧାନଙ୍କ ଘରେ ରୋଷେଇ କରିବା ସମୟରେ ଅସାବଧାନତା କାରଣରୁ ଚୁଲିରୁ ଘର ଚାଳରେ ନିଆଁ ଲାଗିଯାଇଥିଲା । ଫଳରେ ଦୁତିକୃଷ୍ଣ ଏବଂ ତାଙ୍କ ଭାଇ ବୃନ୍ଦାବନ ପ୍ରଧାନ ଉଭୟ ପରିବାରର 3 ବଖରା ଘର ପୋଡି ଯାଇଛି ।

ଖବର ପାଇଁ ଦମକଳ ଏବଂ ଗ୍ରାମବାସୀ ମିଳିତ ଭାବେ ନିଆଁକୁ ଆୟତ କରିଥିଲେ । ଏହା ପରେ ସ୍ଥାନୀୟ ସରପଞ୍ଚ ଗାଁରେ ପହଞ୍ଚି ଉଭୟ ପରିବାରକୁ ପ୍ରାଥମିକ ଭାବେ ସହାୟତା ରାଶି ଯୋଗାଇ ଦେଇଥିବା ବେଳେ ଉଭୟ ପରିବାର ଗରିବ ଶ୍ରେଣୀର ହୋଇଥିବାରୁ ସରକାରୀ ସହାୟତା ଯୋଗାଇ ଦେବାକୁ ଗାଁ ଲୋକ ଦାବି କରିଛନ୍ତି ।

ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ