କୃଷି ଆଇନକୁ ବିରୋଧ: ରଣପୁରରେ ଟ୍ରାକ୍ଟର, ତ୍ରିରଙ୍ଗା ଶୋଭାଯାତ୍ରା କଲେ ଚାଷୀ

ନୟାଗଡରେ କୃଷି ଆଇନକୁ ବିରୋଧ । ରଣପୁରରେ ଟ୍ରାକ୍ଟର, ତ୍ରିରଙ୍ଗା ଶୋଭାଯାତ୍ରା କଲେ ଚାଷୀ । ଅଧିକ ପଢନ୍ତୁ...

ନୟାଗଡ଼ :ସାଧାରଣତନ୍ତ୍ର ଦିବସରେ ଦିଲ୍ଲୀର କୃଷକ ବିଦ୍ରୋହକୁ ସମର୍ଥନ କରି ମୋଦିଙ୍କ କଳା କୃଷି ଆଇନକୁ ରଣପୁରରେ ବିରୋଧ କରିଛନ୍ତି ଚାଷୀମାନେ l ଅଖିଳ ଭାରତ କୃଷକ ସଂଘର୍ଷ ସମନ୍ବୟ ସମିତି ଆହ୍ବାନ କ୍ରମେ ଚାଷୀମାନେ ରଣପୁରରେ ତ୍ରିରଙ୍ଗା ଶୋଭାଯାତ୍ରା କରିବା ସହ ଟ୍ରାକ୍ଟର ପ୍ୟାରେଡ଼ ପ୍ରଦର୍ଶନ କରିଥିଲେ l ରଣପୁର ପଞ୍ଚୁଦୋଳ ପଡିଆ ଠାରୁ ପ୍ୟାରେଡ଼ ବାହାରି ବଜାର ପରିକ୍ରମା କରିଥିଲା l

କେନ୍ଦ୍ର ସରକାରଙ୍କୁ ଚାଷୀମାନେ ତୀବ୍ର ବିରୋଧ କରିଥିଲେ l କୃଷି ଆଇନକୁ ପ୍ରତ୍ୟାହାର ଦାବି କରିଥିଲେ l ଏଥିରେ କୃଷକ ନେତା ସୁରେଶ ସ୍ବାଇଁ ଏବଂ ଅଖିଳ ଭାରତ କୃଷକ ସଂଘର୍ଷ ସମନ୍ବୟ ସମିତି କର୍ମକର୍ତ୍ତା ତଥା କୃଷକ ମାନେ ସାମିଲ ଥିଲେ l

ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ