ନୟାଗଡ଼:ମଣ୍ଡି ପାଇଁ ରାସ୍ତାରୋକ । ନୟାଗଡ଼ ଜିଲ୍ଲା ସିନ୍ଦୁରିଆ ସମବାୟ ସମିତିରେ ମଣ୍ଡିରୁ ଚାଷୀଙ୍କ ଧାନ ନ କିଣିବାରୁ ଏହାର ପ୍ରତିବାଦରେ ରାସ୍ତାକୁ ଓହ୍ଲାଇଛନ୍ତି ଉତ୍ତ୍ୟକ୍ତ ଚାଷୀ । ମିଲର ଧାନ କିଣୁନଥିବା ନେଇ ଜିଲ୍ଲାପାଳଙ୍କ ଅଭିଯୋଗ ପରେ ସୁଫଳ ନ ମିଳିବାରୁ ଚାଷୀମାନେ ରାସ୍ତାରୋକ କରିଥିବା ଦେଖିବାକୁ ମିଳିଛି ।
ମିଲରମାନେ ଧାନ କୁଇଣ୍ଟାଲ ପିଛା 6ରୁ 8କେଜି ଧାନ କାଟୁଥିଲେ ସୁଦ୍ଧା ଚାଷୀଙ୍କ ଧାନ କିଣାଯାଉନଥିବାବେଳେ ଜିଲ୍ଲାପାଳଙ୍କୁ ଏ ନେଇ ଅଭିଯୋଗ କରିଥିଲେ । ହେଲେ କୌଣସି ସୁଫଳ ମିଳୁନଥିବାରୁ ଏହା ପ୍ରତିବାଦରେ ଦୀର୍ଘ ସମୟ ଧରି ଚାଷୀମାନେ ନୟାଗଡ଼ ଖଣ୍ଡପଡା ରୋଡ଼ ଛକଠାରେ ରାସ୍ତା ଅବରୋଧ କରି ବସିଥିଲେ । ତେବେ ନୟାଗଡ଼ ଟାଉନ ଥାନା ପୋଲିସ ଘଟଣାସ୍ଥଳରେ ପହଞ୍ଚି ଉତ୍ତ୍ୟକ୍ତ ଲୋକଙ୍କୁ ବୁଝାସୁଝା କରିବା ପରେ ଚାଷୀମାନଙ୍କ ଧାରଣା ଓ ରାସ୍ତାରୋକ ପ୍ରତ୍ୟାହୃତ ହୋଇଛି ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
