ନୟାଗଡ: ଜିଲ୍ଲା ଚାନ୍ଦପୁର ପୋଲିସ କିଛିଦିନ ତଳେ ବହୁ ଚର୍ଚ୍ଚିତ ନକଲି ଗୃହ ସଚିବ କହି ଲୋକଙ୍କୁ ଠକୁଥିବା କାହ୍ନୁ ପ୍ରଧାନଙ୍କୁ ଗିରଫ କରି କୋର୍ଟ ଚାଲାଣ କରିଥିଲା l ପରେ ପୋଲିସ ଏହି ଘଟଣାରେ ଖୋଳତାଡ଼ ଆରମ୍ଭ କରିଥିଲା l ଆଇଆଇସି ରଶ୍ମି ରଞ୍ଜନ ଦାଶ ଏହି ଘଟଣାର ତଦନ୍ତ ଚଳାଇଛନ୍ତି l
ଗତ ବୁଧବାର ଦିନ କାଁହୁର ସହଯୋଗୀ ପର୍ଶୁରାମ ଜେନା (୩୫)କୁ ଚାନ୍ଦପୁର ପୋଲିସ ଭୁବନେଶ୍ବର ଖଣ୍ଡଗିରି ଅଞ୍ଚଳରୁ ଗିରଫ କରିଥିଲା l ପୁଣି ପୋଲିସ ଏହି ଘଟଣାରେ ଜଣେ ବ୍ୟକ୍ତି ଠାରୁ କାହ୍ନୁର ୫ ଲକ୍ଷ କଳା ଟଙ୍କାକୁ ଜବତ କରିଛି l ଏ ନେଇ ଚାନ୍ଦପୁର ଥାନାରେ ୧୩୩/୨୦ ନମ୍ୱର୍ ରେ ଏକ ମାମଲା ରୁଜୁ କରାଯାଇଥିବା ଜଣାପଡିଛି l ସୁରକ୍ଷା ଦୃଷ୍ଟିରୁ ଟଙ୍କା ଦେଇଥିବା ବ୍ୟକ୍ତିଙ୍କ ନାମ ଗୋପନୀୟ ରଖାଯାଇଛି ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ