ନୟାଗଡ: ସ୍ତ୍ରୀକୁ ହତ୍ଯା ଅଭିଯୋଗରେ ଗିରଫ ହେଲା ସ୍ବାମୀ । ହତ୍ୟାକାଣ୍ଡ ପରେ ଫେରାର୍ ହୋଇଯାଇଥିବା ସ୍ବାମୀକୁ ଆଜି(ଶନିବାର) ନୟାଗଡର ଏକ ଜଙ୍ଗଲରୁ ଗିରଫ କରିଛି ପୋଲିସ । ସେପଟେ ମାମଲାରେ ସମ୍ପୃକ୍ତ ଶାଶୁ ଏବଂ ଶ୍ବଶୁର ଫେରାର୍ ଅଛନ୍ତି ।
ଯୌତୁକ ପାଇଁ ସ୍ତ୍ରୀକୁ ହତ୍ୟା, ଗିରଫ ହେଲା ସ୍ବାମୀ
ସୂଚନା ଅନୁଯାୟୀ ନୟାଗଡ ଜିଲ୍ଲା ଓଡଗାଁ ଥାନା ଅନ୍ତର୍ଗତ ରୋହିବାଙ୍କ ପଞ୍ଚାୟତ ବାଘୁଆ ଛକର ବାବୁଲି ପ୍ରଧାନ(28)ଙ୍କ ପତ୍ନୀ ଶ୍ରୀମତୀ ପ୍ରଧାନ(20)ଙ୍କ ର ମୃତ୍ୟୁ ଘଟିଥିଲା । ଏନେଇ ବାପଘର ଲୋକେ ଯୌତୁକ କାରଣରୁ ହତ୍ୟା କରାଯାଇଥିବା ଥାନାରେ ଅଭିଯୋଗ କରିଥିଲେ । ପରିବାର ଲୋକଙ୍କ ଅଭିଯୋଗ ଅନୁସାରେ ଉଭୟଙ୍କର 2020 ଜୁଲାଇ 12ରେ ବିବାହ ହୋଇଥିଲା । ଦାବି ମୁତାବକ ଯୌତୁକ ଦିଆଯାଇ ଥିବାବେଳେ ଅତିରିକ୍ତ 50 ହଜାର ଟଙ୍କା ପାଇଁ ଶ୍ରୀମତୀଙ୍କୁ ସବୁବେଳେ ଶାରୀରିକ ଏବଂ ମାନସିକ ନିର୍ଯାତନା ଦେଉଥିଲେ ଶାଶୁଘର ଲୋକେ ।