ନୟାଗଡ଼: ନୟାଗଡ଼ ଟୀକାକରଣ କେନ୍ଦ୍ରରେ ଅବ୍ୟବସ୍ଥା । ଟିକା ନେବାକୁ ଆସି ହନ୍ତସନ୍ତ ଲୋକେ । ଧାଡିରେ ଲୋକେ ଠିଆ ହେବା ପରିବର୍ତ୍ତେ ଲମ୍ବା ଲାଇନରେ ରହିଛି ଆଧାରକାର୍ଡ । ଯାହା ଟୀକାକରଣ କେନ୍ଦ୍ରରେ ଅବ୍ୟବସ୍ଥାକୁ ବାହାରେ ପକାଇଛି । ନୟାଗଡ଼ ସ୍ଥିତ ବଜେନ୍ଦ୍ର ଚନ୍ଦ୍ର ହାଇସ୍କୁଲରେ ଟୀକାକରଣକୁ ସୁଵ୍ୟଵସ୍ଥିତ କରିବା ପାଇଁ ଜିଲ୍ଲା ପ୍ରଶାସନ ତରଫରୁ ଟୀକାକରଣ କେନ୍ଦ୍ର ଖୋଲା ଯାଇଛି l କିନ୍ତୁ ଟୀକାକରଣ କେନ୍ଦ୍ରଟି ଅବ୍ୟବସ୍ଥା ମଧ୍ୟରେ ଥିବା ଲୋକେ ଅଭିଯୋଗ କରିଛନ୍ତି ।
ଟୀକାକରଣ କେନ୍ଦ୍ରରେ ଅବ୍ୟବସ୍ଥା, ଧାଡ଼ିରେ ଥୁଆ ହୋଇଛି ଆଧାର କାର୍ଡ
ଏଥି ସହ ଏଠାରେ ତମ୍ବୁର ବ୍ୟବସ୍ଥା କରାଯାଇଥିଲେ କେନ୍ଦ୍ରରେ ତାଲା ଝୁଲିବା ହେତୁ ଗେଟ୍ ବାହାରେ ଦିବ୍ୟାଙ୍ଗ ଏବଂ ସାଧାରଣ ଲୋକ ଘଣ୍ଟା ଘଣ୍ଟା ଖରାରେ ଛିଡ଼ା ହେଉଛନ୍ତି । ଲୋକଙ୍କୁ ଗୋଟେ ସମୟ କହି ଆଉ ଗୋଟେ ସମୟରେ ଟୀକାକରଣ କେନ୍ଦ୍ର ଖୋଲୁଥିବା ଅଭିଯୋଗ ମଧ୍ୟ ହୋଇଛି । ଫଳରେ ଗେଟ୍ ସମ୍ମୁଖରେ ଡ଼ହଡ଼ହ ଖରାରେ ଲୋକେ ଛିଡ଼ା ହେବା ସହ ଆଧାରକାର୍ଡକୁ ଲାଇନରେ ରଖିଛନ୍ତି ।