ନୟାଗଡରେ ଦିବ୍ୟାଙ୍ଗ ନାତୁଣୀକୁ ଦୁଷ୍କର୍ମ କଲା ଅଜା !

ନୟାଗଡ ଇଟାମାଟି ଥାନା ଅଞ୍ଚଳରେ ଦିବ୍ୟାଙ୍ଗ ନାବାଳିକାକୁ ଦୁଷ୍କର୍ମ । ଅଭିଯୁକ୍ତ ଫେରାର ଥିବା ବେଳେ ପୋଲିସର ତଦନ୍ତ ଜାରି ରହିଛି ।

ନୟାଗଡ଼: ଦିବ୍ୟାଙ୍ଗ ନାବାଳିକାକୁ ଦୁଷ୍କର୍ମ ଅଭିଯୋଗ । ଏଭଳି ନିନ୍ଦନୀୟ ଘଟଣା ଘଟିଛି ନୟାଗଡ ଇଟାମାଟି ଥାନା ଅଞ୍ଚଳରେ । ଅଭିଯୁକ୍ତ ଫେରାର ଥିବା ବେଳେ ପୋଲିସର ତଦନ୍ତ ଜାରି ରହିଛି ।

ଓଡ଼ଗାଁ ଅଞ୍ଚଳର ଜଣେ ନାବାଳିକା ତାଙ୍କ ଅଜା ଘରକୁ ବୁଲିବାକୁ ଆସିଥିଲେ । ଗତକାଲି(ମଙ୍ଗଳବାର) ରାତିରେ ଏକୁଟିଆ ରହୁଥିବାର ସୁଯୋଗ ନେଇ ସମ୍ପର୍କୀୟ ଅଜା ତାଙ୍କ ସହ ଦୁଷ୍କର୍ମ କରିଥିଲେ । ଏହି ଘଟଣା ପରେ, ପରିବାର ପକ୍ଷରୁ ଇଟାମାଟି ଥାନାରେ ଅଭିଯୋଗ ହୋଇଛି । ଏକ ମାମଲା ରୁଜୁ କରି ଅଭିଯୁକ୍ତ ରବି ମହାନ୍ତିକୁ ପୋଲିସ ଖୋଜୁଥିବା ଜଣାପଡିଛି ।

ତେବେ ଆଜି ପୀଡିତା ନାବାଳିକାକୁ ଡାକ୍ତରୀ ମାଇନା ପାଇଁ ନୟାଗଡ଼ ମେଡିକାଲକୁ ଅଣା ଯାଇଥିଲା । ପରେ ନାବଳିକାକୁ ତା ପରିବାରକୁ ହସ୍ତାନ୍ତର କରିଥିଲା ପୋଲିସ । ଏହି ଘଟଣା ପରେ ଇଟାମାଟି ଅଞ୍ଚଳରେ ଚାଞ୍ଚଲ୍ୟ ଖେଳିଯାଇଛି ।

ନୟାଗଡରୁ ଉତ୍ପଳ ସାହୁ, ଇଟିଭି ଭାରତ