ନୟାଗଡ଼: ହଜିଗଲା ମାନବିକତା । ଶାଶୁ ଅସୁସ୍ଥ ଥିବା ସତ୍ତ୍ବେ ଘର ଭିତରକୁ ଯିବାକୁ ବାରଣ କଲା ବୋହୁ । ବୋହୁର ବିରୋଧ ପାଇଁ ଚାଲିଗଲା ଶାଶୁଙ୍କ ଜୀବନ । ମୃତ୍ୟୁ ପରେ ମଧ୍ୟ ୧୮ ଘଣ୍ଟାରୁ ଊର୍ଦ୍ଧ ସମୟ ଘର ଆଗରେ ପଡିରହିଲା ମୃତଦେହ । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ନୟାଗଡ଼ ଜିଲ୍ଲା ରଣପୁର ବ୍ଲକ ଅନ୍ତର୍ଗତ ହରିହରପୁର ଗ୍ରାମରେ ।
ହଜିଗଲା ମାନବିକତା: ଅସୁସ୍ଥ ଶାଶୁଙ୍କୁ ଘର ଭିତରକୁ ଛାଡ଼ିଲାନି ବୋହୁ, ଘର ବାହାରେ ପଡ଼ି ଶାଶୁଙ୍କ ମୃତ୍ୟୁ
ସୂଚନା ଅନୁସାରେ ହରିହରପୁର ଗ୍ରାମର ନିରଞ୍ଜନ ନାୟକଙ୍କ ମାଆ ମୀନା ନାୟକ କିଛିଦିନ ହେବ ଅସୁସ୍ଥ ଥିବାରୁ ସେ ଭୁବନେଶ୍ବରର ଏକ ଘରୋଇ ହସ୍ପିଟାଲରେ ଚିକିତ୍ସା ହେଉଥିଲେ । ଚିକିତ୍ସା ପରେ ଗାଁକୁ ଫେରିଥିଲେ ମୀନା । କିନ୍ତୁ ପାରିବାରିକ କଳହ ପାଇଁ ତାଙ୍କ ବୋହୁ ପୁଷ୍ପଲତା ନାୟକ ଶାଶୁଙ୍କୁ ଘରକୁ ଆଣିବାକୁ ବିରୋଧ କରି ଭିତର ପଟୁ ଘରକୁ ତାଲା ପକାଇଥିଲେ । ଫଳରେ ପୁଷ୍ପଲତାଙ୍କ ସ୍ବାମୀ ଓ ଶାଶୁ ରାତିସାରା ଘର ଦାଣ୍ଡରେ ବସି ରହିଲେ ।