ନୟାଗଡ଼: ପଞ୍ଚାୟତ ନିର୍ବାଚନକୁ ନେଇ ରାଜନୀତି ବେଶ ସରଗରମ । ଛକ ଛକରେ ବଡ଼ ବଡ଼ ପୋଷ୍ଟର ବ୍ୟାନର ସାଙ୍ଗକୁ ପ୍ରାର୍ଥୀଙ୍କ ଭୋଟ ଭିକ୍ଷା ରାଜନୈତିକ ପାଣିପାଗକୁ ଆହୁରି ସରଗରମ କଲାଣି । ପଞ୍ଚାୟତ ନିର୍ବାଚନକୁ ନେଇ ନିର୍ବାଚନୀ ଉଷ୍ଣତା ବଢିବା ସହ ବୃଦ୍ଧି ପାଉଛି ହିଂସାକାଣ୍ଡ । ତେଣୁ ଦଶପଲ୍ଲା ପୋଲିସ ପକ୍ଷରୁ ବ୍ୟାପକ ପ୍ରସ୍ତୁତି କରାଯାଇଛି ।
Panchayat Election :ସ୍ବଚ୍ଛ ନିର୍ବାଚନ ପାଇଁ ଦଶପଲ୍ଲା ପୋଲିସର ଫ୍ଲାଗମାର୍ଚ୍ଚ
ବ୍ଲକର ବିଭିନ୍ନ ସମ୍ବେଦନଶୀଳ ବୁଥ୍ ଏବଂ ଗ୍ରାମଗୁଡିକୁ ଚିହ୍ନଟ କରାଯାଇ ଶାନ୍ତିଶୃଙ୍ଖଳାର ସହ ନିର୍ବାଚନ କରିବା ପାଇଁ ଆହ୍ୱାନ ଦେବା ସହ ଦଶପଲ୍ଲା ପୋଲିସ ପକ୍ଷରୁ ବିଭିନ୍ନ ସ୍ଥାନରେ ଫ୍ଲାଗ୍ ମାର୍ଚ୍ଚ କରାଯାଇଛି । ଦଶପଲ୍ଲା ବ୍ଲକର ମଧ୍ୟଖଣ୍ଡ ସମେତ ସାକେଣୀ , ଶିମିଳିସାହି ଏବଂ ଦେଢଶର ଆଦି ଗ୍ରାମରେ ପୋଲିସ ପକ୍ଷରୁ ଆଜି(ରବିବାର) ଫ୍ଲାଗ୍ ମାର୍ଚ୍ଚ କରାଯାଇଛି ।